Ааспыт нэдиэлэҕэ тапталлаах киин куораппыт төрөөбүт күнүн бэлиэтээтибит. Биллэрин курдук, Дьокуускай куорат төрүттэммитэ 391 сыла буолла. Нэдиэлэ устата Хотугу дойду кырдьаҕас куоратыгар анаммыт араас тэрээһиннэр ыытыллан, куорат олохтоохторун уонна ыалдьыттарын сүргэлэрин көтөхтө. Бээтинсэттэн саҕаламмыт быыбардары кытта куорат төрөөбүт күнэ бииргэ түбэспитэ эмиэ ураты тыыннаах буолла. Хас болуоссат аайы улуу Туймаада хочотугар анаммыт ырыа, хоһоон дуорайда.
Доҕордоһуу болуоссатыгар субуота күн Сомоҕолоһуу оһуохайа саха дьонун түмтэ.
Сомоҕолоһуу Оһуохайа Саха Сирин бары улуустарыгар, куораттарыгар биир кэмҥэ ыытылынна. Бэйэбит да билбэппитинэн бу күн историяҕа хаалар улуу күнүнэн буолла.
Ил Дархан биһиги долгуйа күүтэр ыйаахпытыгар балаҕан ыйын 7 күнүгэр илии баттаата. Ыра гыммыт баҕа санаабыт туолан, ыам ыйын 25 күнэ өрөспүүбүлүкэҕэ Оһуохай күнүнэн биллэрилиннэ, - диэтэ Дархан этээччи Марта Николаева.
-
2
-
0
-
0
-
0
-
1
-
0
