Ыйытыыларга экэниэмикэ миниистирэ Петр Попов, үп миниистирин эбээһинэһин толорооччу Иван Алексеев уонна тустаах министиэристиблэр, биэдэмистибэлэр салайаачылара хоруйдатылар.
Бастакынан Саха Өрөспүүбүлүкэтин идэлээх сойуустарын федерациятын бэрэссэдээтэлэ Николай Дегтярев ыйытыы биэрдэ:
– «СӨ ОДьКХ» ГУТ үлэһиттэрин хамнастарын иэһэ 180 мөл. солк тиийдэ, ону төлөөһүҥҥэ төһө харчы көрүлүннэ? Тохсунньу 1 күнүттэн Арассыыйа Федерациятыгар хамнас алын кээмэйэ (МРОТ) үрдүөхтээх, онон бүддьүөт үлэһиттэрин уонна «атын» дэнэр араҥаҕа киирсэр дьон, исписэлиистэр уонна идэтийбэтэх каадырдар хамнастара төһө үрдүөй? -- диэтэ.
Онуоха сиэрдээх ыйытыы бэриллибитэ бэлиэтэннэ итиэннэ потребительскэй сыана индексин (ИПЦ) барыллыырга сыана үрдээһинэ быйылгы сылга хайдах дьайбыта барыта сиһилии үөрэтиллэн-ырытыллан, кэлэр сыл бүддьүөтүгэр ол барыта учуоттаммыта иһитиннэрилиннэ.
Оттон «СӨ ОДьКХ» ГУТ эйгэтигэр хамнаска иэс харчы киириитинэн төлөнө турара, бу ыйынан иэс барыта сабыллара, үлэһиттэр ыйдааҕы орто хамнастара 98 000 солк. буолара, тохсунньу 1 күнүгэр ол үрдэтиллибэтэ этилиннэ.
Кэлэр үс сылга үбүлээһиҥҥэ чорботуллар хайысха уларыйбат, ол курдук, үп нассынаалынай соруктары олоххо киллэриигэ, социальнай эбэһээтэлистибэлэри толорууга, Бэрэсидьиэн Ыам ыйынааҕы уурааҕын толоруу чэрчитинэн, бүддьүөт үлэһиттэрин хамнастарын үрдэтиигэ толору көрүллүбүт. Тохсунньу 1 күнүттэн дойдуга хамнас алын кээмэйэ 6,8 % үрдүөхтээх, онно сөп түбэһиннэрэн өрөспүүбүлүкэҕэ оройуоннааҕы кээписсиэни, бырыһыанынан эбиилиги ааҕан туран, орто хамнас 1-кы зонаҕа – 72 300 солк., 2-ис зонаҕа — 81 018 солк буолара, ол барыта учуоттаммыта быһаарылынна.
Хаартыска: Василий Кононов.
-
0
-
0
-
0
-
0
-
0
-
0
