Кини биһиги өрөспүүбүлүкэтиттэн Анал байыаннай дьайыыга хорсунун иһин наҕараадалламыт 14-с Арассыыйа Дьоруойунан буолла! Ол туһунан бэҕэһээ киэһэ Ил Дархан Айсен Николаев биллэрдэ.
Александр Егорович Донбасска 2014 сыллахха бэйэтин баҕа санаатынан барбыта. Анал байыаннай дьайыы кэмигэр Артемовскай иһин кыргыһыыга кыттыбыта, ротаны, батальоны хамаандалаабыта, разведкаҕа начаалынньыгынан сулуспалаабыта. Төһө да бааһырдар, контузияланнар, кини бойобуой сорудаҕы толорору ситиспитэ. «Вагнер» ЧВК кэнниттэн, салгыы Арассыыйа оборуонаҕа министиэристибэтин анал чааһыгар сулууспалаабыта. Эр санаа иһин уордьанынан үс төгүл уонна «Хорсунун иһин» мэтээлинэн үстэ наҕараадаламмыта.
Александр Егорович эһэтэ Николай Чусовской Зееловскай үрдэллэри устуурмалааһын иһин эрдээх санаатын уонна хорсунун көрдөрөн Сэбиэскэй Сойуус Дьоруойа аат иҥэриллэн, үрдүк наҕарааданан бэлиэтэммитэ. Александр Егорович сулууспатынан уруу-хаанынан бэриллибит буойун албан ааттаах удьуорун салҕыыр, Ийэ дойдуга тапталы уонна бэриниилээх буолууну көлүөнэттэн көлүөнэҕэ тириэрдэр.
Киэн туттан туран Александр Егоровиһы Арассыыйа Дьоруойа аат иҥэриллибитинэн истиҥник эҕэрдэлиибин! Бу наҕараада - эн хорсуҥҥун, дьулуургун уонна Аҕа дойдуга бэриниилээххин билинии, ытыктааһын буолар. Кытаанах доруобуйаны, күүһү уонна дьиэ кэргэҥҥэр уйгулаах-быйаҥнаах олоҕу баҕарабын. Саха Сирэ киэн туттар диэн Айсен Сергеевич биллэрдэ.
Хаартыска max.ru/aisen_nikolaev
-
0
-
0
-
0
-
0
-
0
-
0
