Быыстапка ааспыт, билиҥҥи кэми көрдөрөр, маны тэҥэ куораппыт сайдыытын инникитин сабаҕалаан көрөөһүн информационнай блоктарынан арыллар.
Сорох история кэрчиктэрэ художник-график, СӨ худуоһунньуктарын Сойууһун чилиэнэ Василий Авременко үлэлэринэн ситэрилиннэ. Кини бэртээхэй үлэлэрэ дьон интэриэһин тардыан тардар.
“Ханна да бардарбын өрүү альбоммун туппутунан сылдьарым. Күн ахсын дьаарбайа сылдьан тугу көрбүппүн уруһуйдуурум. Ордук иккилии этээстээх дьиэлэри сөбүлүүрүм. Дьокуускай – мин тапталлаах куоратым”, - диэн уруһуйдар ааптардара этэр.
Василий Авраменко өр кэм “Якутия” хаһыакка үлэлээбитэ. Кини хараҕар ааспыт кэмнэр уруһуйдарга түһэриллэн, билигин түмэл ыалдьыттара киин куорат 1940 сылтан тупсуутун бу баардыы көрөр кыахтаннылар. Графика ааспыт үйэ 60-80-с сылларын биир сүрүн историяны сэгэтэр докумуона буолла.
Быыстапка СӨ Ил Дарханын граныгар өйөнөр “Билиҥҥи кэм историята” – “ История в настоящем” бырайыак чэрчитинэн тэрилиннэ.
Быыстапканы балаҕан ыйын 30 күнүгэр диэри көрүөххэ сөп. Киирии босхо.
- 0
- 0
- 0
- 0
- 0
- 0