Соторутааҕыта Уус Алдан улууһун дьаһалтатын баһылыга Василий Иванович Аммосов өрөспүүбүлүкэ Ил Дарханын А.С.Николаев аатыгар гааһынан ититэр автономнай установкалары туруоруон баҕалаах дьоҥҥо субсидиянан көмөлөһөргө этиилээх сурук киллэрбитэ. Онуоха Айсен Николаев сөбүлэҥин биэрэн, бу бырайыак олоххо киирэр кыахтаммытын туһунан бэртэээхэй сонун улууһу биир гына тилийдэ.
Маннык установканы биир ыалга туруорарга 600 000 солк. ороскуоттаныахтаах эбит буоллаҕына, 200 000 солк. - өрөспүүбүлүкэ бүддьүөтэ, эмиэ итиччэ харчыны улуус бүддьүөтэ уйунуоҕа, хаалбыт 200 000 солкуобайы дьиэлээхтэр бэйэлэрэ төлүөхтэрэ. Тыа сиригэр киин ититиигэ холбоммотох дьиэлэргэ маннык гаастааһын олус үчүгэй дьыала.
Гааһынан ититии пилотнай бырайыага олоххо киирэринэн, гааһы киллэттэриэн баҕалаах Суотту ыалларын аадырыстарын чуолкайдыыр уонна улуус бүөддьүөтүттэн көрүллэр субсидия бэрээдэгин оҥорор үлэ саҕаланна.
Галина БОЧКАРЕВА
-
0
-
0
-
0
-
0
-
0
-
0
