Онно Ил Түмэн Бэрэссэдээтэлин солбуйааччы -- Ил Түмэн судаарыстыба тутулугар уонна сокуону оҥорууга сис кэмитиэтин бэрэссэдээтэлэ Афанасий Владимиров кыттыыны ылла.
– Билигин Сэбиэскэй Сойуус суох, Германия демократическай өрөспүүбүлүкэтэ эмиэ суох. Ол эрээри, Сэбиэскэй аармыйа Германиятааҕы бөлөҕүн буойуттара сулууспалаабыт кэмнэрин күндүтүк саныыллар. Кинилэргэ сулууспалаабыт икки сылларга эр санааланыы, эппиэтинэстээх буолуу оскуолата уонна бойобуой иэс этэ. Күн бүгүн кинилэр уопсастыбаннай олоххо, ыччаты патриоттуу иитиигэ көхтөөхтүк кытталлар, Анал байыаннай дьайыынан сибээстээн, сорохтор Ийэ дойду интэриэһин көмүскүү сылдьаллар, – диэтэ Афанасий Владимиров.
Сэбиэскэй аармыйа Германиятааҕы бөлөҕө 1945 с. тэриллибитэ, уонунан сылларга Европаҕа дойду куттала суох буолуутун хааччыйар кирбии буолбута. Күн бүгүн Сэбиэскэй аармыйа Германиятааҕы бөлөҕүн бэтэрээннэрин Саха сирин эрэгийиэннээҕи ассоциациятыгар 300 киһи баар. Бу туһунан Ил Түмэн пресс-сулууспата суруйар.
Хаартыска: Василий Кононов.
-
0
-
0
-
0
-
0
-
0
-
0
