Норуот дьокутаата Василий Николаев экэниэмикэ сайдар тосхолун ырытыһабыт эрээри, бөхпүтүн да кыайан хомуммакка олорорбутун, соторутааҕыта сыбаалкаҕа баһаар тахсыбытын, куоракка буруо, умайбыт сыт киирэн, киһи кыайан тыымматын этэн туран, саҥа полигон хаһан тутулларын ыйыталаста, куораппыт кирдээҕин, бөҕү кэмигэр хомуйбаттарын сэмэлээтэ.
СӨ Бырабыыталыстыбатын бэрэссэдээтэлин бастакы солбуйааччы Дмитрий Садовников бөҕү бэрийэр ыстаансыйаны быстах көрүҥүнэн бу сыл бүтүөр диэри үлэҕэ киллэриэхтээхтэрин туһунан иһитиннэрдэ. Билиҥҥи полигону рекультивациялааһын салгыы быһаарыллыахтаах, полигону Дьокуускай куорат бас билэр, онон «Жилкомсервис» дьарыктанар диэн чуолкайдаата.
Хаартыска: ЯСИА-ҕа тахсыбыт Дьокуускай куорат дьаһалтатын видеотыттан стоп-кадр.
-
0
-
0
-
0
-
0
-
0
-
0
