Ассоциация сүбэтин бэрэссэдээтэлинэн Москуба уобалаһыттан төрүттээх, Арассыыйа Федерациятын Уопсастыбаннай балаататын чилиэнэ, Арассыыйа АПК-тын үтүөлээх үлэһитэ, зооинженер үөрэхтээх, сыыры оҥорууга идэтийэр пиэрмэр Олег Сирота, толорооччу дириэктэринэн Ульяновскай уобаластан төрүттээх, Арассыыйа Федерациятын Тыатын хаһаайыстыбатын министиэристибэтин Уопсастыбаннай сүбэтин чилиэнэ, инженер-электрик үөрэхтээх, көтөрү иитиигэ идэтийэр пиэрмэр Станислав Санкеев талыллыбыттара.
«Норуот пиэрмэрэ» ассоциация дойду 72 эрэгийиэнин тыа хаһаайыстыбатын табаарын оҥорооччулары түмэ тарта. Быйыл саас, ол эбэтэр муус устарга, бу хамсааһыҥҥа Саха Өрөспүбүлүкэтэ холбоһон, «Норуот пиэрмэрин» эрэгийиэннээҕи ассоциацията тэриллибитэ.
Бэрэссэдээтэлинэн Кэбээйи улууһун Мукучу нэһилиэгин «Сайылык» тыа хаһаайыстыбатын кэпэрэтиибин салайааччы Петр Дьяконов, толорооччу дириэктэринэн экэнэмиис идэлээх Майя Гуляева талыллан үлэлэрин саҕалаабыттара.
Бу күннэргэ Дьокуускайга «Норуот пиэрмэрэ» ассоциация толорооччу дириэктэрэ Станислав Санкеев кэлэ сыльдар. Эрэгийиэннээҕи ассоциация салалтатын уонна ассоциация чилиэннэрин, эдэр пиэрмэрдэри кытары көрсөн, ыытыллар үлэни-хамнаһы билистэ, Ил Түмэҥҥэ, Тыа хаһаайыстыбатын уоан ас-үөл бэлиитикэтин министиэристибэтигэр итиэннэ Хаҥалас улууһун хаһаайыстыбаларыгар сырытта. Туймаада ыһыаҕар ыалдьыттаата.
Ол туһунан сиһилии хаһыакка ааҕыаххыт.
Хаартыска: Василий Кононов, Екатерина Захарова.
-
0
-
0
-
0
-
0
-
0
-
0
