Куонкурус быйыл алтыс төгүлүн ыытылынна. Күрэскэ Таатта, Нам, Мэҥэ Хаҥалас, Хаҥалас, Амма, Кэбээйи улуустарыттан, барыта тоҕус иис түмсүүтэ кыттыыны ылла. Иистэнньэҥнэр бу сыллар устатыгар хас да тыһыынча таҥас кэмпилиэгин тигэн, бары да кэриэтэ идэтийдилэр.
Тааттабыт улууһун киинигэр «Харыстаана» иис сыаҕа АБДь саҕаланыаҕыттан үлэлиир. Сыаҕы Саха Өрөспүүбүлүкэтин үөрэҕириитин туйгуна, улуус бастыҥ уопсастыбанньыга Анна Никифорова салайар. Анна Егоровна бэйэтин тула уопсастыбанньыктары түмэн, бу олус эппиэтинэстээх үлэни салайан кэллэ. Бу иис түмсүүтүгэр, тэрилтэ үлэтиттэн, дьиэ кэргэн күннээҕи түбүгүттэн быыс булан, төрөөбүт дойду туһугар ис санааларыттан үлэлиир ийэлэр, эбэлэр иистэнэллэр.
Күрэскэ барыта барыта 10 кэмпилиэк таҥас тигилиннэ, манна шортиктан саҕалаан көстүүмҥэ тиийэ баар. Күрэс балаһыанньатыгар таҥас быһыытыгар эмиэ туспа көрүү күрэскэ, Анна Егоровна бастакы миэстэни ылан, идэтийбит иистэнньэҥ эрэ буолбакка, закройщик быһыытынан кыахтааҕын эмиэ көрдөрдө.
Алтыс төгүлүн ыытыллыбыт күрэс, самаан сайын кэлбитин уруйдуу, Туймаада ыһыаҕын ыһар маанылаах сиригэр - Үс Хатыҥҥа ыытылынна.
Бу курдук «Харыстаана» иис сыаҕын ийэлэрин, эбэлэрин үтүө санаалаах үлэлэрэ, дьайыылара, барыбытыгар холобур буолар.
Хаартыскалары ааптар ыытта.
-
6
-
2
-
0
-
0
-
0
-
0
