Ил Түмэн уочараттаах уон тохсус пленарнай мунньаҕар Ил Дархан Айсен Николаев СӨ Бырабыыталыстыбатын 2025 с. үлэтин түмүгүн отчуотун ситэн баран норуот дьокутаата Федот Филиппов ОДьКХ салаатыгар уларыйыы киирэн, хочуолунайдары оптимизациялааһын түмүгэр Үөһээ Бүлүү улууһугар сүүрбэччэ киһи, оҕолорун иитэр ыал аҕалара үлэтэ суох хаалар кутталлаахтарын, кинилэр көһөн бардахтарына, оскуола оҕотун ахсаана кыччыырын туһунан дойдутун дьоно долгуйалларын тириэртэ. Тустаах дьоҥҥо үлэ буларга Бырабыыталыстыба туох көмө оҥоруон сөбүн ыйыталаста.
Ил Түмэн уочараттаах уон тохсус пленарнай мунньаҕар Ил Дархан Айсен Николаев СӨ Бырабыыталыстыбатын 2025 с. үлэтин түмүгүн отчуотун ситэн баран норуот дьокутаата Федот Филиппов ОДьКХ салаатыгар уларыйыы киирэн, хочуолунайдары оптимизациялааһын түмүгэр Үөһээ Бүлүү улууһугар сүүрбэччэ киһи, оҕолорун иитэр ыал аҕалара үлэтэ суох хаалар кутталлаахтарын, кинилэр көһөн бардахтарына, оскуола оҕотун ахсаана кыччыырын туһунан дойдутун дьоно долгуйалларын тириэртэ. Тустаах дьоҥҥо үлэ буларга Бырабыыталыстыба туох көмө оҥоруон сөбүн ыйыталаста.
Ил Дархан гаас ситимэ киирбит сиригэр хочуолунайдары таас чоҕунан оттор табыгаһа суоҕун, ОДьКХ салаата көдьүүстээхтик үлэлиирин ситиһиэхтээхпитин санатта. Гаас турбатын тардарга миллиардынан үп көрүллэр, Үөһээ Бүлүүгэ гаас ситимэ баарын үрдүнэн туббалыыһаны таас чоҕунан оттоллор. Онтон гааска көстөҕүнэ, бырайыак балтараа сыл иһигэр ороскуотун сабар. Айсен Николаев үлэтэ суох хаалбыт дьон атын идэҕэ үөрэнэн, үлэ булар кыахтаахтарын, билигин өрөспүүбүлүкэ үрдүнэн үлэтэ суох буолуу хаһааҥҥытааҕар даҕаны намтаан турарын, Үөһээ Бүлүүгэ сыл ахсын 70-ча үлэ миэстэтэ тахсарын, учууталлар тиийбэттэрин бэлиэтээтэ.
Хаартыска Андрей Сорокин, ЯСИА.
0
0
0
0
0
0
