Итинтэн сылтаан бэнсиин сыаната ыараата, сайын саҕаланыаҕыттан «Туймаада-нефть» иккистээн сыанатын көтөхтө. От ыйын 4 күнүгэр АИ-92 — 13 солк. ыараан, 93 солк., АИ-95 — 12 солк. ыараан, 96 солк., диисэл 9 солк. эбиллэн, 106 солк. тиийдэ.
«Сибойл» уматык сыанатын бэс ыйын 22 күнүгэр үрдэппитэ.
Ил Түмэн уочараттаах уон тохсус пленарнай мунньаҕар Ил Дархан Айсен Николаев СӨ Бырабыыталыстыбатын 2025 с. үлэтин түмүгүн отчуоттаан баран дьокутааттар ыйытыктарыгар хоруйдаабыта.
Вячеслав Степанов Арассыыйаҕа уматыгынан хааччыйарга кириисис үөскээбитин этэн туран, өрөспүүбүлүкэҕэ ити хайдах дьайарын туоһуласпыта. Ил Дархан уматыгынан хааччыйыы АБДь кытта ыаллаһа сытар эрэгийиэннэргэ кэккэ уустуктардааҕын, оттон өрөспүүбүлүкэҕэ диисэл саппааһа элбэҕин, арай бэнсиини тиэйии кыратык хойутуурун быһаарбыта.
«Саханефтегазсбыт» уматыгынан хааччыллан турар, чааһынай хампаанньалар: «Сибойл», «Туймаада нефть» салайааччылара этэллэринэн, бэнсиин ыйдааҕы саппааһа баар. Уматыгы тиэйии кэмигэр быһаарыллыахтаах», — диэбитэ Айсен Николаев.
Ол иһин «Саханефтегазсбыт» сыанатын үрдэтэ илик.
Хаартыска: Мария Васильева, ЯСИА.
-
0
-
0
-
0
-
0
-
0
-
0
