Куорат баһылыга 2021 с. Үс Хатыҥҥа барарга Марха диэки баара-суоҕа икки балаһалаах кутуу суол баарын, билигин кэҥэтиллэн түөрт балаһалаах, тротуардаах буолбутун, ону куорат иһигэр өссө кэҥэтэр билиҥҥитэ табыллыбатын туһунан хоруйдаата. Арай уопсастыбаннай тырааныспарга туһунан балаһа көрүөххэ сөбүн эбэн эттэ. Өрүс пуордуттан Жатайга диэри уу тырааныспарынан, онтон массыынанан барыахха сөбүн, эбэтэр Саталынан сырыы эмиэ баарын санатта.
Ону таһынан, Туймаада ыһыаҕын аһыллыытыгар барарга Үс Хатыҥ диэки үс балаһаны, куорат өттүгэр төннөргө биир балаһаны биэриэххэ сөбүн эттэ. Билигин Орджоникидзе болуоссатыттан Үс Хатыҥҥа туоруохха диэри түөрт балаһалаах суол баар, урут ол туһунан ыра санаабытыгар эрэ көрөрбүт. Куорат нэһилиэнньэтэ түргэнник эбиллэ турар буолан, бэл түөрт балаһалаах суол устун дьон үстүү чаас айанныыллар.
Онтон Дьокуускай баһылыгар ким кандидатурата ордук барсарын куорат дьокутааттара быһаардыннар, Ил Дархан кандидатуратын киллэрэр, ону дьокутааттар талыахтара диэтэ.
Ааптар хаартыскаҕа түһэриитэ.
-
0
-
0
-
0
-
0
-
0
-
0
