Ол курдук, аэропорт, паром сырыыта, тимир суол уонна массыынанан пассажирдары таһар көлөлөр бигэргэтиллибит кыраапыгы тутуһан үлэлииллэр. Социальнай суолталаах хайысхаларынан пассажирдары уонна таһаҕаһы тиэйии толору кээмэйинэн ыытыллар. Өрөспүүбүлүкэҕэ оптуобус сырыыта сүрүннээн метан уонна гаас уматыгар олоҕурар буолан, мотуор уматыгын биэриигэ баар хааччахтар кинилэр үлэлэригэр улаханнык сабыдыаллаабатылар.
СӨ Тырааныспарын министиэристибэтэ тырааныспар комплексын тэрилтэлэрин уматыгынан хааччыйыы боппуруостарын өрөспүүбүлүкэ Суһал ыстаабын кытта бииргэ быһааран, хонтуруолга тутан олорор. Ол туһунан "Саха Сирэ" саайт https://sakha-sire.ru/umatyk-tyraanyspar-teriltelerin-yletiger-tuoh-da-hargys-suoh/ уонна СӨ Тырааныспар уонна суол хаһаайыстыбатын министиэристибэтэ иһитиннэрэр.
Хаартыска: ЯСИА.
-
0
-
0
-
0
-
0
-
0
-
0
