Саха суругунан уус-уран литературатын төрүттээбит, бөлүһүөк, сырдатааччы, уопсастыбаннай диэйэтэл Алексей Елисеевич Кулаковскай-Өксөкүлээх Өлөксөй төрөөбүтэ 150 сыла эһиил бэлиэтэниэҕэ. Ону көрсө Ил Дархан ыйааҕынан, 2023-2027 сыллар Өксөкүлээх Өлөксөй биэс сылынан биллэриллибиттэрэ. Үбүлүөй кэнсиэпсийэтигэр өрөспүүбүлүкэ, Бүтүн Арассыыйа уонна аан дойду таһымнарынан ыытыллар дьаһаллар былааннамыттара. Ол иһигэр Өксөкүлээх Өлөксөй олоҕун, айар, чинчийэр үлэтин киэҥник хабан сырдатар документальнай киинэни оҥоруу киллэриллибитэ.
Айсен Николаев Саха сирин Суруйааччыларын сойууһун бырабылыанньатын бэрэссэдээтэлэ биллиилээх политическай, судаарыстыбаннай диэйэтэл Гаврил Чиряев туһунан кинигэни таһаарар көҕүлээһинин өйөөтө. Наталья Харлампьева ити санаа кини Гаврил Чиряев туһунан пьесаны суруйар кэмигэр үөскээбитин туһунан кэпсээтэ итиэннэ кинигэни «Молодая гвардия» кинигэ кыһатыгар «Жизнь замечательных людей» сиэрийэнэн таһаарарга этии киллэрдэ. Маны таһынан, Саха сирин Суруйааччыларын сойууһун үбүнэн өйөөһүн итиэннэ «Айар» кинигэ кыһатыгар социальнай суолталаах кинигэлэри таһаарарга субсидия көрүллүүтүн туһунан кэпсэтии барда.
Наталья Харлампьева литература бырассыаһыгар сыһыаннаах сүрүн боппуруостарга өйөбүлүн иһин Ил Дархаҥҥа махтанна диэн Ил Дархан уонна Бырабыыталыстыба пресс-сулууспата суруйар.
Хаартыска: Андрей Сорокин, ЯСИА.
-
0
-
0
-
0
-
0
-
0
-
0
