Үөрэх уонна билим министиэристибэтин брифинигэр АБДь кыттыылаахтарын уонна кинилэр оҕолорун өйөбүлүн итиэннэ Т.Г. Десяткин аатынан Дьокуускайдааҕы промышленнай техникумҥа үөрэххэ ылыы быраабылаларын туһунан бу техникум дириэктэрин солбуйааччы Полина Винярская иһитиннэрдэ.
Кини быһаарбытынан, Анал байыаннай дьайыы кыттыылаахтара, бэтэрээннэрэ уонна кинилэр дьиэ кэргэттэрэ иккис анал идэтийбит үөрэхтэригэр босхо үөрэнэр итиэннэ тус сыаллаах дуогабарынан, аттестаат орто баалыттан тутулуга суох, үөрэхэ бастакынан ылыллар бырааптаахтар. «Билиҥҥи туругунан биһиги техникуммутугар АБДь икки кыттыылааҕыттан уонна АБДь-га кыттыбыт аҕалаах тоҕус оҕоттон сайабылыанньа киирдэ. Өрөспүүбүлүкэ техникумнарын, колледжтарын устудьуоннара байыаннай сулууспалаахтар дьиэ кэргэттэригэр мэлдьи көмөлөһөллөр, хаххалыыр сиэккэлэри өрөллөр, балаакка, аптечка уо.д.а. курдук араас наадалаах тэриллэри бэлэмнииллэр, Саҥа Дьылга байыастар оҕолоруггар бадаарак оҥороллор», – диэн Полина Винярская кэпсээбитин туһунан Ил Дархан уонна Бырабыыталыстыба пресс-сулууспата иһитиннэрэр.
Хаартыска: Ил Дархан уонна Бырабыыталыстыба саайтыттан.
-
0
-
0
-
0
-
0
-
0
-
0
