Бакалавриат уонна специалитет бырагырааматынан төлөбүрдээх үөрэххэ киирэргэ докумуоннары бэс ыйын 20 күнүттэн тутан саҕалаабыттара. Орто үөрэх баазатыгар идэҕэ уонна айар үлэҕэ эбии тургутугу уонна докумуоннары туттарыы атырдьах ыйын 21 күнүгэр түмүктэнэр. Киирии тургутугу ааспакка эрэ БКЭ түмүгүнэн докумуоннары тутуу 2026 с. атырдьах ыйын 26 күнүгэр бүтэр.
Киирии тургутук бүддьүөт миэстэтигэр 2026 с. бэс ыйын 21 – от ыйын 25 күннэригэр ыытыллар. Төлөбүрдээх үөрэххэ 2026 с. бэс ыйын 21 – атырдьах ыйын 26 күннэригэр абитуриеннары тургутан көрүөхтэрэ.
Бүддьүөт миэстэтигэр бакалавриат уонна специалитет бырагырааматынан үөрэххэ киирии туһунан иһитиннэриини, куонкурус испииһэгин 2026 с. от ыйын 27 күнүгэр, үөрэххэ киирбиттэрин туһунан бирикээһи атырдьах ыйын 3 күнүгэр таһаараллар. Үөрэнэ киирэргэ эбии миэстэ баара атырдьах ыйын 12 күнүгэр диэри биллиэхтээх. Төлөбүрдээх үөрэххэ киирэргэ дуогабары атырдьах ыйын 27 күнүгэр диэри түһэрсэллэр, үөрэххэ киирии атырдьах ыйын 29 күнүгэр диэри ыытыллар.
Хас биирдии үөрэх кыһата тустаах саайтыгар үөрэххэ киирии бэрээдэгин, хас миэстэ баарын туһунан биллэрэр.
Ааптар хаартыскаҕа түһэриитэ.
-
0
-
0
-
0
-
0
-
0
-
0
