«Куораты варяг, үлэтин саҥа саҕалыыр стажер буолбакка, куорат хаһаайыстыбатын ис-тас үлэтин чахчы билэр киһи салайыахтаах. Дмитрий Садовников ити ирдэбилгэ толору эппиэттиир, хамаандатын кытта үлэ үөһүгэр киирэн, кыһалҕаны быһааран иһиэҕэ. Оттон куоракка ситэ быһаарылла илик боппуруос элбэх, кыстыкка бэлэмнэнии, дьону хаарбах дьиэттэн көһөрүү, суолу-ииһи оҥоруу, Анал байыаннай дьайыыга күүс-көмө буолуу. Суһал боппуруостары быһаарарга хамаандата көмөлөһүө, илии-атах буолуо», — диэтэ Юрий Коркин.
Үлэ Кыһыл Знамятын, «Хотугу Сулус» уордьан кавалера, Сэбиэскэй кэмҥэ куорат баһылыгынан үлэлээбит ытык кырдьаҕас 100 сааһын туолара биэс эрэ сыл хаалла эрээри, бэрт улахан, сэниэлээх чөл куолаһынан барыларыттан уһун тыыннаах буолан биэрдэ, чаас аҥаарыттан ордук кэмҥэ саҥа баһылыкка баҕа санаатын эттэ.
Кини сайын тутуу үлэтин саамай үгэнэ эрээри, бэрт аҕыйах киһи суол тутуутугар тахсарын, оттон хаар түһэн, сир тоҥмутун кэнниттэн бэрт ыксалынан бүтэрэ-оһоро сатаан, хаачыстыба мөлтөҕүн ыйда. Кэлин массыына, тиэхиньикэ элбээн, айан-сырыы бытаарбытынан сибээстээн, кырата түөрт балаһалаах киэҥ суолу-ииһи тутарга ыҥырда.
Оттон сүрүн кыһалҕа быһыытынан ардах кэнниттэн уу кыайан барбакка уулусса ууга устарын бэлиэтээн туран, саҥа суолу оҥорорго ууну түһэрэргэ болҕомтону уурарга сүбэлээтэ. Өссө суол бырайыагын оҥорорго ардах уута ханна барарын учуоттуохтаахтар диэн санаатын үллэһиннэ.
Ааптар хаартыскаҕа түһэриитэ.
-
0
-
0
-
0
-
0
-
0
-
0
