Бүлүүлүүр аартыкка баар «Haval» Кытай массыынатын маҕаһыына 2026 с. оҥоһуллубут сибиэһэй тимир көлөлөрү аҕалан көрдөрдө. Ким баҕалаах бары аныгы массыына иһигэр киирэн олорон көрдүлэр, киһи сөҕүөх килэрийэн-халарыйан барыта көмпүүтэр, массыынаны айфон курдук салайаҕын, саҥаҕынан хамаандалаан үөһээҥҥи люк түннүгүн, багажнигы аһаҕын-сабаҕын, аны массыына иһигэр холодильниктаах, 220 вольт розеткалаах. Тупсарыллыбыт тиэхиньикэ эргиччи көмүскэллээх, өскөтүн иннигэр-кэннигэр туохха эрэ сааллаары гыннаҕына массыына бэйэтэ тохтуур эбит. Онон кытайдар аныгы технология өттүгэр дьоппуоннары быдан баһыйбыттар, собуоттан саҥа тахсыбыт «Haval» кроссовер сыаната 3-3,5 мөл. солк.
Сыанаҕа аан бастаан тахсар оскуола оҕолоруттан саҕалаан, сатаан ыллыыр-ыллаабат эрэ барыта кэнсиэр көрдөрдө, аатырбыт «Завод» бөлөх үҥкүүһүттэрэ эдэр ыччаты собуоттаатылар. Саха эстрадатын сулустарын кэнсиэрэ 18 ч. саҕаланыахтаах этэ, ону саҥа ыллыы сатыыр соччо куолаһа да суох оҕолору истэ сатаан көрөөччүлэр сорохторо сылайан тарҕаспыттарын кэннэ ырыаһыттарбыт икки чаас буолан баран биирдэ таҕыстылар. Саамай тулуурдаахтара эрэ хаалан дьон чахчы сөбүлээн истэр ырыаһыттарын көрдүлэр.
Ааптар хаартыскаҕа түһэриитэ.
-
0
-
0
-
0
-
0
-
0
-
0
