Сайыҥҥы халаан уутун кэнниттэн нэһилиэктэри, уһаайбалары, дьиэни-уоту чөлүгэр түһэрэргэ Үөһээ Дьааҥы улууһугар устудьуоннар тутар этэрээттэрэ тиийиэхтэрэ. СӨ Гражданскай оборуонаҕа уонна Саха Сирин нэһилиэнньэтин куттала суох олоҕун хаачыыйарга миниистир Дмитрий Лепчиков ыыппыт оробуочай мунньаҕар этэрээттэри хомуйан, сөмөлүөтүнэн тиэрдэр туһунан боппуруостары дьүүллэстилэр. Саахал кэнниттэн чөлүгэр түһэрэр үлэҕэ сыстаҕас эдэр ыччаты ылыахтара.
Сайыҥҥы халаан уутун кэнниттэн нэһилиэктэри, уһаайбалары, дьиэни-уоту чөлүгэр түһэрэргэ Үөһээ Дьааҥы улууһугар устудьуоннар тутар этэрээттэрэ тиийиэхтэрэ. СӨ Гражданскай оборуонаҕа уонна Саха Сирин нэһилиэнньэтин куттала суох олоҕун хаачыыйарга миниистир Дмитрий Лепчиков ыыппыт оробуочай мунньаҕар этэрээттэри хомуйан, сөмөлүөтүнэн тиэрдэр туһунан боппуруостары дьүүллэстилэр. Саахал кэнниттэн чөлүгэр түһэрэр үлэҕэ сыстаҕас эдэр ыччаты ылыахтара.
Устудьуоннар тутар этэрээттэрэ Суордаах, Дулҕалаах, Сайдыы халаан уутуттан эмсэҕэлээбит олохтоохторугар көмөлөһүөхтэрэ. Бастакы этэрээт бу нэдиэлэҕэ көтөн тиийиэҕэ.
Уу ылбыт сириттэн оҕолору таһаарыахтара, Суордаах уонна Сайдыы нэһилиэгиттэн 52 оҕону Дьокуускайга Энергетик лааҕырга ыытыахтара.
Доруобуйа харыстабылын министиэристибэтэ эми-тому, хаһаайыстыбаҕа туттуллар тэрили хомуйан ыытыаҕа.
Эмсэҕэлээбит ыаллары көрөн-истэн баран испииһэк оҥорон, туох көмө наадатын оҥоруохтара.
Ол туһунан https://www.sakha.gov.ru/news/58035 иһитиннэрэр.
Хаартыска норуот дьокутаата Сергей Сивцев Тэлэгэрээм ханаалыттан.
0
0
0
0
0
0
