Эһигини Ил Түмэн уонна тус бэйэм ааппыттан идэлээх бырааһынньыккытынан итиитик-истиҥник эҕэрдэлиибин!
Дойду арҕаа кыраныыссатыттан Уһук Илиҥҥэ диэри тимир суол дойдуну ситимниир, таһаҕаһы уонна дьону тиэйэллэр, тиэхиньикэ, технология сайдан иһэр, айан сыыдамсыйар, сыыппара сиэрбиһэ сайдар. Тимир суол аныгы инфраструктурата бырамыысыланнаһы хааччыйар, национальнай экэниэмикэ сайдыытын тосхоло буолар.
Бу бэлиэ күн араас идэлээх элбэх киһини ситимниир, кинилэр күн аайы тимир суол хааччаҕа уонна харгыһа үлэтин тэрийэллэр, уустук соругу быһаараллар, дьон куттала суох уонна табыгастаах айанын хааччыйаллар. Эһиги үлэҕит — дойдубут экэниэмикэтин бигэ туругун, сайдыытын оҥкула, маннык үлэҕэ киэҥ билиилээх, тулуурдаах, бэриниилээх дьон үлэлииллэр.
Дойдубут чэчирии сайдарын туһугар эһиги киллэрэр кылааккытын сыаналыыбыт, үлэҕитигэр бэриниилээх буоларгыт иһин махталбытын тиэрдэбит! Махтал тылларын бэтэрээннэргэ аныыбыт, кинилэр тимир суол үтүө үгэстэрин ыччакка тиэрдэллэр.
Бу ураты бэлиэ күн эһиэхэ чэгиэн доруобуйаны, дьиэ кэргэҥҥэ дьолу-соргуну, үлэҕэ үрдүк ситиһиилэри баҕарабыт, саҥа саҕалааһыннаргыт табыллан, олоххо киирэн истиннэр. Үлэҕит өрүү даҕаны үрдүктүк сыаналанан, олоххутугар үөрүүлээх, сырдык эрэ түгэннэр тосхойдуннар!
Бырааһынньыгынан, ытыктабыллаах тимир суол үлэһиттэрэ!
-
0
-
0
-
0
-
0
-
0
-
0
