Издательский дом Редакция Подписка
Погода в Якутске: . -14 oC

Араас сааҥсыйалар элбээннэр, хоруона хамсыга да хааччахтаан, тас дойдуга барыы-кэлии аҕыйаата. “Куһаҕан да үчүгэйдээх” дииллэринии, хата, Арассыыйа уонна өрөспүүбүлүкэ иһинээҕи туризм туругуран эрэр.

Мантан сайын олохтоох туризмы өйөөн, итиэннэ ааҕааччыларбытыгар туһалаах буоллун диэн, Сахабыт Сиригэр баар турбазалары, сынньатар-аралдьытар кииннэри билиһиннэриэхпит.

 

Араас сааҥсыйалар элбээннэр, хоруона хамсыга да хааччахтаан, тас дойдуга барыы-кэлии аҕыйаата. “Куһаҕан да үчүгэйдээх” дииллэринии, хата, Арассыыйа уонна өрөспүүбүлүкэ иһинээҕи туризм туругуран эрэр.

Мантан сайын олохтоох туризмы өйөөн, итиэннэ ааҕааччыларбытыгар туһалаах буоллун диэн, Сахабыт Сиригэр баар турбазалары, сынньатар-аралдьытар кииннэри билиһиннэриэхпит.

 

Тайменнай арыы

Дьиҥэр, “таймень” диэн сахалыыта бил диэн тылбаастанар буоллаҕа дии. Ол эрээри бу арыы Тайменнай диэнинэн сурукка-бичиккэ киирэн хаалбыт, онон итинник нууччалыы ааттыырбытыгар тиийэбит.

2019 сылтан үлэлиир сынньалаҥ базата Кэбээйи оройуонун сиригэр-уотугар баар. Дьокуускай куораттан 210 км тэйиччи сытар. Бу Тайменнайынан Кэҥкэмэ, Беленькая, Ханчалы уонна Белянка үрэхтэр устан ааһаллар, онон айылҕата олус кыраһыабай.

тайменный 1Оҥорор өҥөлөрө:

 - 8 киһиэхэ анаммыт олорор дьиэ (куортама сууккаҕа - 18 000 солк.);

- 6 миэстэлээх "Сафари тент ЮГ" глэмпинг (сууккаҕа -  10 000 солк.);

- 4 миэстэлээх "Призма" глэмпинг (сууккаҕа  - 7 000 солк.);

- 50 киһи баҥкыаттыыр саалата (бырааһынньыктары тэрийиигэ сааланы араастаан киэргэтиэххэ сөп). Сыаната киһитин ахсааныттан тутулуктаах. Биир киһиэхэ -- 1 000 солк;

- 8 киһи тэҥинэн суунарыгар таһырдьа бассейннаах баанньык - 3 000 солк;

- Туристическай базаттан Түбэ бөһүөлэгэр диэри тиэрдии уонна төттөрү аҕалыы (биир киһиттэн 4 000 солк.);

- Өлүөнэ өрүскэ оҥочонон балыктааһын (биир киһиттэн чааһа 2 000 солк.);

- "Всё включено" бакыат: Белянка хайа үрэҕэр уонна Өлүөнэ өрүскэ балыктааһын турдара (3 күн, 2 түүн). Сыаната биир киһиэхэ 20 000 солкуобайтан саҕаланар;

- Спиннини уларсыы сыаната  --сууккаҕа 1 000 солк.

Дьону базаҕа олохтооһун 12.00 чаастан саҕаланар. Тахсан барыы – 14.00 чааска диэри.

Ити ыйыллыбыт сыаналарга киирэр: утуйар таҥас, иһит-хомуос, куукуна тээбиринэ, холодильник, туттар уонна иһэр уу, биотуалет, гаас оһох, тэлэбиисэр, Wi-Fi, таапачыка, баанньык сотторо уонна суунар мала, мангал уонна кутаа оттор анал сирдэр, беседкалар, арыыга бэйэҥ балыктыырыҥ көҥүлэ. 

тайменный 2

Дьиэлэргэ маһынан оттуллар оһохтор тураллар. Аһыыр аскытын уонна тус гигиена сириэстибэлэрин бэйэҕит илдьэ кэлэҕит.

Билсэр төлөпүөҥҥүт: +7 (967)910-79-69

Атласовтар уһаайбалара

Дьокуускай куорат олохтоохторо уонна ыалдьыттара Атласовтар уһаайбаларын сөбүлээн сылдьыбыттара ыраатта.

Сайыҥҥы бырагыраамаларыгар, өрүү буоларыныы, экскурсия уонна сиэр-туом киирбит. Комплекс хаһаайката Валентина Иннокентьевна Атласова бэйэтэ барытын иилээн-саҕалаан ыытар.

Онуоха комплекс устун экскурсия, этно-мусуойга сылдьыы, арчыланыы иһин киһиттэн 700 солкуобайы ылаллар. 20-тэн тахса киһилээх бөлөххө – холбоон 7000 солк. Экскурсия бириэмэтин уһуна 40-50 мүнүүтэ.

атласоваы 2

Уһаайбаҕа баҥкыат тэрийиэххэ сөп. Биир киһиэхэ депозит - 2000 солк. Ити суумаҕа менюга баар фрукта, оҕуруот аһа, минньигэс, бурдук ас киирэр. Онтон атын аһын бэйэҥ көрүүгүнэн аҕаларыҥ көҥүллэнэр. Аренда иһин харчы ылбаттар.

"Тоҥ балыгы кыһыы" бырагырааманан маастар-кылаас ыытыллар. Тоҥ балыгы астааһын кистэлэҥин шеф-повар Николай Атласов арыйыа. Кыһыллыбыт балыгы ыалдьыттар бэйэлэрэ амсайаллар. Бөлөххө сыаната -- 10 000 солк.

атласовы 1

3000 солкуобайга Анна Атласова хомуска оонньоон, хабарҕа ырыатын толорон иһитиннэрэр. Бу 10 мүнүүтэлээх дьүһүйүү.

Сарсыарда 12.00 чаастан киэһэ 22 ч.00 м. диэри ыалдьыттарга ресторан аана аһаҕас. Сахабыт Сирин төрүт уонна арҕааҥҥы бүлүүдэлэрин сакаастыаххытын сөп. Депозит суох, ортотунан биир киһиэхэ 1200-1500 солкуобайга суоттанаҕыт.

Билсэр төлөпүөҥҥүт: +7(914)2-720-709

Улуу Тоҕой

Табаҕа тумулугар “Улуу Тоҕой” этнокултуурунай комплекс бу сайын ыалдьыттары күүтэр. Кинилэргэ анаан икки этээстээх, толору хааччыллыылаах коттедж, баҥкыаттыыр саалалаах улахан дьиэ, этническэй стиллээх юрта, баанньык, беседкалар, фотозоналар, үөһэттэн көрөр былаһаакка, о.д.а. тутуллубут, оҥоһуллубут.

Миэстэни эрдэттэн сакаастыыгыт. Маныаха ааккытын-суолгутун, төлөпүөҥҥүт нүөмэрин этэҕит уонна 50%-ын эрдэ төлүүгүт. Ордугун 2 күн хаалбытын кэннэ тиэрдэҕит. 3 хонук иннинэ кэлбэккитин эттэххитинэ, төлөбүр 100%-на төннөр, 2 хонук иннинэ биллэрдэххитинэ - 50%.-на

улуу то5ой 2Улуу Тоҕойго 60 киһиэхэ анаммыт шатер баар. Сыаната нэдиэлэ күнүттэн уонна чааһыттан тутулуктаах: 6000-15000 солк. Итиннэ электрическэй уот, мангал, остуол, ыскамыайкалар, суунарга туттар уу киирэр. Аскытын, иһэр уугутун, утаххытын, иһити-хомуоһу, уматары, чоҕу, шампуру (сетканы), бырдах эмин илдьэ кэлэҕит.

“Омоҕой Баай” дьиэ 15 киһиэхэ анаммыт. Манна күнүс 15, хонор буоллахха 10 киһи киирэрэ көҥүллэнэр. Сыаната эмиэ нэдиэлэ күнүттэн, чааһыттан тутулуктаах: 7000-15000 солк. Бириэмэни уһатыы биирдии чааһа 1200 солк.

5dedf1800ca0e

Дьиэ иһигэр ороннор, электрическэй уот, чаанньык, холодильник, микроволновай оһох, иһит-хомуос, душ, санузел, остуол, олоппостор, дьыбаан баар. Таһырдьа мангал, остуол, ыскамыайкалар.

Бэйэҕитин үөһэ этиллибит испииһэгинэн туттар тээбириннэргитин аҕалаҕыт.

улуу тогой 1

“МТС” уонна “Билайн” холкутук хабар, “Мегафон” уонна “Йота” сорох сирдэринэн.

“Улуу Тоҕой” юрта сыаната эмиэ нэдиэлэ күнүттэн тутулуктаах: 4000-6000 солк. 6 киһи хонуон сөп, күнүс эрэ сылдьар буоллаххытына – 10 киһи.  Бириэмэтэ 14.00 чаастан аныгыскы күн 12.00 чааһыгар диэри.

Беседкаҕа 15 киһи батан олорор кыахтаах. Сарсыарда 10:00 чаастан киэһэ 22:00 чааска диэри. Чааһа 800 солк. Бу сыанаҕа электрическэй уот, мангал, остуол, ыскамыайка киирэр.

Улахан дьиэ 60 киһиэхэ миэстэлээх. Сыаната нэдиэлэ күнүттэн, чааһыттан тутулуктаах: 7 000 – 21 000 солк. Бириэмэни уһатыы биир чааһа - 1000 солк.

Улуу Тоҕойго бэнидиэнньиктэн чэппиэргэ диэри 10% чэпчэтии юртаҕа, шатерга, «Омоҕой Баай», улахан дьиэҕэ көрүллэр;

- Төрөөбүт күннээхтэргэ - 15% (күнүгэр);

- Элбэх оҕолоох дьиэ кэргэҥҥэ – 10%;

- Ыал буолааччыларга уонна выпускниктарга– 10%;

- Vkontakte страницаларыгар суруйтарбыттарга – 5% (атын чэпчэтиилэргэ эбиллэр).

Чэпчэтиилэр бэйэ-бэйэлэригэр эбиллибэттэр, докумуону көрдөрүү ирдэнэр.

Билсэр төлөпүөҥҥүт:  +7(964) 416-93-34

«Дьыл 4 кэмэ»

Дьокуускай куораттан 25 км, Владимировкаттан 9 км тэйиччи баар. Кэлэргэ-барарга олус табыгастаах.

4 сезона 1

“4 сезона” база күөл үрдүгэр турар. Үс дьиэлээх: биэс миэстэлээх саха балаҕана, алта миэстэлээх ыалдьыттар дьиэлэрэ, аҕыс миэстэлээх сынньалаҥ дьиэтэ. Баларга усулуобуйа барыта оҥоһуллубут. Баанньыкка сылдьыахха сөп. Үс миэстэлээх гараас тымныы күннэргэ анаан тутуллубут. Сууматтан 50% эрдэ төлүүр ирдэнэр.

Сынньалаҥ дьиэтигэр 8 киһи олоруон сөп. Киирии кэмэ 14.00 чаастан, тахсыы - аныгыскы күн 12.00 ч. диэри. Сыаната 6500-11 000 солк. Эбии орон туруортарыы – 800 солкуобай.

Алта миэстэлээх ыалдьыттар дьиэлэрин сыаната 4800-8000 солк. Хас биирдии эбии киһиэхэ 500 төлөнөр, эбии ороҥҥо  – 800 солк. 7 саастарыгар диэри оҕолорго босхо.

4 сезона 3Саха балаҕаныгар 5 киһи олорор. Сыаната 4000-6500 солк. Эбии орон туруортарыы – 800 солк., хас биирдии эбии ыалдьыт иһин -- 500 солк.

Дьиэлэргэ иһит-хомуос, чаанньык, гаас оһох, ороннор, орон таҥастара, соттор, таапачыкалар, миэбэл, оттук мас, туттар уу, мангал, шашлык буһарар решетка баар. Суотабай сибээс хаппат. Иһэр ууну бэйэҕитин кытары илдьэ тиийэҕит.

Баанньыкка 3-4 киһи суунар. 2 чааһа – 2000 солкуобай. Онтон кэлэр чааһа – 600 солк. Бырастыына арендата – 150 солк.

 Элбэх оҕолоохторго, төрөөбүт күннээхтэргэ, үбүлүөйдээхтэргэ чэпчэтиилээх, маны тэҥэ араас аахсыйалар ыытыллаллар.

Билсэр төлөпүөҥҥүт: +7 (968) 155-44-44

«Хрустальная»

Сыл толору тохтоло суох үлэлиир. Табаҕа тумулугар баар. Сынньанарга икки дьиэни уларсаллар: икки этээстээх “эфрейм” уонна халлааны, сулустары сытан эрэ көрөргө “иглу”. Хас биирдиилэригэр алталыы миэстэлээх. Сынньалаҥҥа туттар мал-сал толору хааччыллар: иһит-хомуос, утуйар таҥас, оонньуу приставкалара, остуол оонньуулара. Таһырдьа мангаллаах (оттук мас, решетка, шампур сыанаҕа киирэр). Маны тэҥэ Өлүөнэ кытылыгар үс гриль-беседка уларсыахха сөп.

хрустальны 1

 Сыаната бэнидиэнньиктэн чэппиэргэ диэри – 6000 солк., өрөбүллэргэ уонна бырааһынньык күннэргэ – 8000 солкуобай. Сууматтан 50% эрдэ төлүүгүн. Олохсуйуу бириэмэтэ: 14.00 ч., тахсыы -  аныгыскы күн 11 ч.

Билсэр төлөпүөҥҥүт: +7 (914) 280-68-00

  • 3
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением