Сүрүн сыала — доруобуйаҕа эппиэтинэстээхтик сыһыаннаһыыны үрдэтии уонна иҥэрии. Тэрээһин муус 15 күнүгэр диэри дойду бары эрэгийиэннэригэр "Доруобай буол!" аахсыйа иһинэн аан дойдутааҕы Доруобуйа күнүн чэрчитинэн оҥоһуллар.
Уопсастыба доруобуйатын уонна диспансеризациятын туһунан Арассыыйатааҕы дьыктааҥҥа https://диктантздоровья.рф/ платформа ҥөҥүө киирэн ким баҕаллаах кыттыан сөп. Быйылгы уратыта - платформаҕа оҕолор эмиэ кыттыахтарын сөп. Кинилэргэ туһунан ыйытыктар эбиллэн биэрдилэр.
Дьыктаан матырыйаалларын Роспотребнадзор уонна Доруобуйа харыстабылын министиэристибэтин өйөбүллэринэн мэдиссиинэ волонтердара бэлэмнээтилэр.
Тест 33 ыйытыктаах. Былырыын аахсыйаҕа 25 тыһ. тахса киһи кыттыбыта биллэр, быйыл өссө эбиллэрэ күүтүллэр. Тест түмүгүнэн кытааччыларга электроннай сэртипикээт туттарыллар.
-
0
-
0
-
0
-
0
-
0
-
0
