Атамайга национальнай бырайыагынан үлэҕэ киириэхтээх элбэх хайысхалаах киин, оскуола объектарыгар сылдьан, эппиэтинэстээх дьону кытары кэпсэттэ. Баһылык Айсен Павлов сэлиэнньэҕэ баараҕай тутуулар бара туралларынан уу баһар, фекалка массыына наадалааҕын эттэ.
Улуус киинигэр Андрей Тарасенкоҕа "ЭкоИнвест" ХЭТ, "СтройЭксперт", ХЭТ генеральнай дириэктэрдэрэ Андрей Дьячковскай, Гаврил Ефимов уу хаайар сиргэ "Олорор дьиэ уонна куорат эйгэтэ" национальнай бырайыагынан тутулла турар, нэһилиэнньэни уунан хааччыйыахтаах станция хайа кэрдиискэ тиийбитин билиһиннэрдилэр.
Улуус дьаһалтатыгар ыытыллыбыт сүбэ мунньахха Андрей Тарасенко ходуһалар ууларын ыытарга, суол хаачыстыбатын хонтуруоллуурга үлэ ыытыллара наадалааҕын ыйда. Ойуур баһаара барбыт сирдэрин ыраастаан, мэччирэҥ хонуулары таһаарар сөптөөҕүн эттэ. Ити хайысхаҕа Бэс Күөлүгэр олус үчүгэй үлэ барбытын бэлиэтээтэ.
Биирдиилээн ыаллар подсобнай хаһаайыстыба тэринэллэригэр кыах бэриллиэхтээҕин эттэ. Дьокуускай- Бэрдьигэстээх хайысхатынан сылдьар автобус Маҕараска тохтуур сиригэр усулуобуйа тэриллэрин, тыа хаһаайыстыбатын, туризм хайысхатын өйүүрүн биллэрдэ. Күн туран эрэ биэрдэр от үлэтигэр сүрүн күүһү уурарга ыҥырда. Мытаахха Руслан Чемезов Маатта үрэххэ сууллубут, мунньуллубут мастары ыраастыыры туруоруста.
Никита Андреев баһаары утары охсуһар этэрээт саҥа объегар кэккэ кыһалҕалар баалларын, саҥа оҕо уһуйаанын тутуутун боппуруоһа быһаарыллыбакка турарын иһитиннэрдэ. Нэһилиэктэр баһылыктара Владимир Текеянов Маҕараска хочуолунай тутуутун, биирдиилээн ыаллар ититии ситимигэр холбоноллоро, Александра Александрова Солоҕоҥҥо уу хаайар быһыт өрөмүөнэ суһаллык оҥоһуллара, Алексей Аргунов тиэхиньикэ уматыгын сыаната ыарыыра, оҥоһук ардахтар отчуттарга уустуктары таһаарарын, бөһүөлэги ойуур баһаарыттан харыстыыр балаһалары көрөрнаадалааҕын эттилэр.
Андрей Тарасенко баар кыһалҕалары истэн, көрөн баран, тустаах салайааччыларга, министиэристибэлэргэ боротокуол быһыытынан киллэрэргэ сорудахтаата.
Хаартыска: "Үлэ күүһэ" хаһыат саайтыттан
-
0
-
0
-
0
-
0
-
0
-
0
