Асида Алексеева култуура уонна духуобунай сайдыы министиэристибэтин кытары ыкса үлэлииллэрин эттэ. Холобурдаатахха, кииҥҥэ национальнай киэргэллэри оҥорууга, кыбытык ньыматынан иистэниигэ уонна оҕуруо анньыыга маастар-кылаастар ыытыллыбыттар.
Арчы дьиэтигэр алгыс сиэрэ -туома буойуттар уонна кинилэр дьиэ кэргэннэрин уйулҕаларын уоскутар, күүстэригэр күүс эбэр.
“Сулус” бассейн салалтатын кытары ситимнээх үлэ түмүгэр гидрокинезотерапия методикатынан дьарыктар ыытыллаллар, Полежаевтар Аһымал пуондаларын нөҥүө СВО кыттыылаахтара атынан дарыктаналлар. Дьарыктар босхо оҥоһуллаллар.
Асида Алексеева санаппытынан, быстах байыаннай дьайыы кыттыылаахтара уонна кинилэр дьиэ кэргэннэрин чилиэннэрэ доруобуйаларын чөлүгэр түһэрии реабилитациятын бырагыраамматынан социальнай-психологическай, социальнай-мэдиссиинискэй көмөнү ылаллар. Реабилитацияны ааһааччылар биирдиилээн психологическай уонна психотерапевтическай өйөбүлүнэн, эбии үөрэхтээһин боппуруостарыгар, квалификация үрдэтиигэ уонна идэни уларытыыга консультацияларынан туһаналлар. Бу туһунан СӨ Ил Дарханын уонна Бырабыыталыстыбатын пресс-сулууспата иһитиннэрэр.
-
0
-
0
-
0
-
0
-
0
-
0
