Андрей Саввич 2024 сылга ыытыллар “Азия оҕолоро” норуоттар икки ардыларынааҕы спортивнай оонньууларга култуурунай чааһыгар салайааччынан анаммытын иһитиннэрдэ, сотору кэминэн сценарий суруйуу саҕаланыа. Саха норуотун национальнай култууратын үйэтитии билиҥҥи кэмҥэ ураты суолталааҕын ыйан туран, тыйаатыр тахсыылаах үлэтигэр махтанна.
Художественнай салайааччы Светлана Прокопьевна Бессонова Афанасий Ивановиһы кэллэктиип аатыттан дуоһунаска анаммытынан эҕэрдэлээтэ уонна тыйаатыр үлэтин-хамнаһын билиһиннэрдэ.
Көрсүһүүгэ искусствоведение дуоктара, тыйаатыр научнай консультана Ангелина Григорьевна Лукина тыл эттэ. Кини үҥкүү национальнай тыйаатыра Саха норуотун үгэстэрин, олоҕун дьаһаҕын үҥкүү нөҥүө үйэтитэрин бэлиэтээн туран Өрөспүүбүлүкэ уонна Арассыыйа култуурунай олоҕун аныгы чахчыларыгар олоҕуран уон сылга туһаайыллыбыт үһүс концепция бигэргэммитин иһитиннэрдэ.
Сүрүн дирижер Николай Павлович Петров национальнай үнүстүрүмүөннэр оркестрдарын уонна тыйаатыр айар үлэтин кэпсээтэ. Тыйаатыр Өрөспүүбүлүкэҕэ биир бастыҥ балетнай састааптааҕын уонна оркестрдааҕын эттэ. Хас биирдии артыыс хас даҕаны үнүстүрүөнү баһылыыр. 30 сыл устата улахан репертуардаммыт, 1000-тан тахса партитура, 40-тан тахса авторскай испэктээкиллээх. Быйыл Красноярскай куоракка Арассыыйа норуоттарын национальнай үнүстүрүмүөннэрин бэстибээл куонкуруһугар кыттан “Бастыҥ кэллэктиип” аатын сүкпүтүн кэпсээтэ.
Көрсүһүү кэмигэр сытыы боппуруостары ырыттылар. Ол курдук, сценическай былаһаакка суоҕун, балет артыыстара биэнсийэҕэ болдьох иннинэ тахсыыларын, командировкаларга ороскуоттары, испэктээкил туруоруутугар, кэнсиэр бырагырааммаларыгар, көстүүм тигиитигэр үбүлээһини о.д.а. Сорох боппуруостары суругунан култуура миниистиригэр туттардылар.
Кэллэктиип Андрей Саввичка уонна Афанасий Ивановичка кэлэн атах тэпсэн олорон кэпсэтиилэригэр махтаннылар, боппуруостары быһаарарга күүс-көмө буолалларыгар эрэнэллэрин эттилэр.
-
1
-
0
-
0
-
0
-
0
-
0
