Издательский дом Редакция Подписка
Погода в Якутске: . 1 oC

Бэҕэһээ, сэтинньи 10 күнүгэр, Өлүөхүмэҕэ оҕо ускуустубатын оскуолатыгар икки бэлиэ түгэн бэлиэтэннэ - виртуальнай кэнсиэртиир сааланы арыйыы уонна муусука үнүстүрүмүөннэрин презентацията.

Бэҕэһээ, сэтинньи 10 күнүгэр, Өлүөхүмэҕэ оҕо ускуустубатын оскуолатыгар икки бэлиэ түгэн бэлиэтэннэ - виртуальнай кэнсиэртиир сааланы арыйыы уонна муусука үнүстүрүмүөннэрин презентацията.

Икки тэрээһин “Култуура” национальнай бырайыак чэрчитинэн олоххо киирдэ диэн СӨ култуураҕа уонна духуобунай сайдыыга министиэристибэтин пресс-киинэ иһитиннэрэр.

Видеоннан эҕэрдэтин СӨ култууратын миниистирэ Марина Силина ыыппыт. Кини виртуальнай кэнсиэрдиир саала федеральнай грант көмөтүнэн оҥоһуллубутун, маныаха оскуола куонкурус сүүмэрдээһинин ааспытын эттэ. Бу иннинэ, 2020 сыллаахха “Култуура” национальнай бырайыак чэрчитинэн Алдаҥҥа маннык саала арыллыбыта.

Виртуальнай кэнсиэрдиир саалалары тэрийии “Сыыппара култуурата” бырайыак чэрчитинэн ыытыллар, нэһилиэнньэҕэ Арассыыйа бастыҥ кэллэктииптэрин туруорууларын, кэнсиэрдэрин онлайн көрөргө кыах биэрэр.

РФ култууратын министиэристибэтин иһитиннэриитинэн, быйыл 60 субъектан 211 сайаапка киирбит. Кыайыылаахтарынан 47 эрэгийиэнтэн 80 тэрилтэ аатааммыт, ол иһигэр Өлүөхүмэ оҕо ускуустуба оскуолата. Кинилэр 1 мөл.  100 тыһ. суумалаах граны сүүйбүттэр (ол иһигэр 1  мөл. солк. федеральнай харчы, 100 тыһ. солк өрөспүүбүлүкэ бүддьүөтүттэн).

Маны тэҥэ оскуолаҕа муусука үнүстүрүмүөннэрин атыыласпыттар, ол иһигэр "Соната" рояль, "Курсвайл" пианино, байааннар, домралар,  балалайкалар, гитаралар уонна контрабас.

“Култуура эйгэтэ” бырайыак уопсай гранын суумата (муусука үнүстүрүмүөннэрин кытары холбоотоххо) 4 мөл. солкуобайтан тахса.

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением