Сайаапкалары хомуйуу бэс ыйын 15 күнүгэр диэри ыытыллар. Сайаапкалары «Работа России» (конкурс.трудвсем.рф) портал нөҥүө бэриллэр. Бастаан «Госуслуги» порталга бэлиэтэнэн баран, «Республика Саха (Якутия)» эрэгийиэни талыллар → онтон үөрэх, бу идэнэн хас сыл үлэлээбит, уопут, ханна үлэлиир туһунан аҥкыатаны толоруллар → салгыы файлы (PDF/JPG) сыһыарыллар → модерацияҕа ыытыллар. Сайаапка ыстаатыһын тус кэбиниэккэ көрүллэр.
Агрономнар күрэхтэһиилэрэ бэс ыйын 16-17 күннэригэр, мэхэньисээтэрдэр күрэхтэһиилэрэ бэс ыйын 24-25 күннэригэр ыытыллар. Теорияны билии уонна сатабыл тургутуллар. Кыайыылаахтар федеральнай таһымҥа өрөспүүбүлүкэ аатын көмүскүөхтэрэ.
Куонкурус «Каадырдар» национальнай бырайыак чэрчитинэн, оробуочай идэлэр суолталарын үрдэтэр соруктаах тэриллэр. Бу туһунан Тыа хаһаайыстыбатын уонна ас-үөл бэлиитикэтин министиэристибэтин пресс-киинэ иһитиннэрэр.
Хаартыска: Тустаах саайтан.
-
0
-
0
-
0
-
0
-
0
-
0
