Издательский дом Редакция Подписка
Погода в Якутске: . -24 oC

Быйыл күһүн биһиги өрөспүүбүлүкэбит олохтоохторо дьокутааттары уонна Ил Дарханы таллылар. Ил Дархан Айсен Николаев Сахабыт Сирин салайааччытынан иккистээн талылынна. Кини парламентарийдарга сүрүн боппуруостары быһаарыыга  өйөбүл, тирэх буолуоххут диэн  эрэлин тириэрдибитэ. Сэттис ыҥырыылаах мунньах норуот дьокутааттарын иннигэр уопсастыбаннай-бэлитиичэскэй бигэ туругу харыстааһын, өрөспүүбүлүкэ социальнай-экэнэмиичэскэй сайдыытын үрдүк көрдөрүүлэрин өйөөһүн, эрэгийиэн сокуоннарын тупсарыы соруктара турар.

Быйыл күһүн биһиги өрөспүүбүлүкэбит олохтоохторо дьокутааттары уонна Ил Дарханы таллылар. Ил Дархан Айсен Николаев Сахабыт Сирин салайааччытынан иккистээн талылынна. Кини парламентарийдарга сүрүн боппуруостары быһаарыыга  өйөбүл, тирэх буолуоххут диэн  эрэлин тириэрдибитэ. Сэттис ыҥырыылаах мунньах норуот дьокутааттарын иннигэр уопсастыбаннай-бэлитиичэскэй бигэ туругу харыстааһын, өрөспүүбүлүкэ социальнай-экэнэмиичэскэй сайдыытын үрдүк көрдөрүүлэрин өйөөһүн, эрэгийиэн сокуоннарын тупсарыы соруктара турар.

“Биир сомоҕо буолан үлэлээтэхпитинэ туруоруллубут сыаллары ситиһиэхпит.  Бүгүн биһиги аан дойду, Арассыыйа  тутулугар сүдү уларыйыылар буола турар кэмигэр олоробут.  Саансыйалар усулуобуйаларыгар эрэгийиэннэр бигэтик сайдалларыгар дойдубут экэниэмикэтигэр, социальнай эйгэтигэр, судаарыстыбаннай тутулугар улахан уларыйыылар буолаллар”, - диэбит   Алексей Еремеев  Арассыыйа Парламенын хаһыатыгар интервьютугар.

Парламеҥҥа, бастатан туран, социальнай хайысханы харыстыыр сыаллаах эрэгийиэн судаарыстыбаннай бүддьүөтүн балаансатын өйөөһүн, маны тэҥэ бырамыысыланнас  уонна агропромышленнай сектор сайдыытыгар экэниэмикэҕэ көҕүлүүр күүһү хааччыйыы, ону тэҥэ өрөспүүбүлүкэ үрдүнэн олох хаачыстыбатын үрдэтии соруктара тураллар.

Өрөспүүбүлүкэ экэниэмикэтин үрдэтии кииннэрин сайыннарыыга сүрүн хайысхалар бигэргэтилиннилэр.

Ил Түмэн бүддьүөккэ, үпкэ, түһээн уонна сыана бэлиитикэтигэр, бас билии уонна приватизация боппуруостарыгар сис кэмитиэтин бэрэссэдээтэлэ – Ил Түмэн Бэрэссэдээтэлин солбуйааччы Юрий Николаев этэринэн, ураты болҕомто тыа сиригэр олох хаачыстыбата үрдүүрүгэр, тыа хаһаайыстыбатын сайыннарыыга  ууруллуо.

“Бу сайын ылыллыбыт олохтоох оҥорон таһаарыы территорияларын сайыннарыы сокуона олоххо киириитэ саҕаланна. Сокуон олохтоох урбаанньыттар  бородууксуйаларын оҥорон таһаарар систиэмэлэрин тупсарыыга,  муниципальнай тэриллиилэр түргэнник сайдалларыгар  туһуланар, бастатан туран, тыа сирдэригэр”, - диир кини.

Өссө биир инники күөҥҥэ сылдьар сорук - байыаннай сулууспалаахтары, анал байыаннай дьайыыттан кэлбиттэри уонна кинилэр дьиэ кэргэннэрин өйөөһүн. “Бары судаарыстыбаннай эбэһээтилистибэлэр оннунан хаалыахтара уонна туолуохтара. Үүнэн эрэр кэнчээри ыччаты ботуруйуот гына иитии, сиэр-майгы сыаннастарыгар, норуот быһыытынан култуурабытын харыстыырга уонна сайыннарарга  ураты болҕомто ууруллуо», — диэн Ил Түмэн байыаннай сулууспалаахтар, бойобуой дьайыылар бэтэрээннэрин дьыалаларыгар, патриотическай иитиигэ уонна уопсастыбаннай тэрилтэлэргэ сис кэмитиэтин бэрэссэдээтэлэ – Ил Түмэн Бэрэссэдээтэлин солбуйааччы Александр Подголов бэлиэтээтэ.

Маны тэҥэ, ыытыллыахтаах  олохтоох бэйэни салайыныы тэриллиитин реформата Сахабыт Сирин дьокутааттарын хонтуруолугар турар.

“Биллэрин курдук, Судаарыстыбаннай Дуума “Публичнай былаас биир кэлим тиһигэр олохтоох бэйэни салайыныы тэриллиитин уопсай бириинсиптэрэ” федеральнай сокуон бырайыагын маҥнайгы ааҕыыга ылыммыта. Сокуон публичнай былаас биир кэлим тиһигэр  олохтоох бэйэни салайыныы тутулугар ананар. Ил Түмэн сэттис ыҥырыылаах мунньаҕар сокуон барылыгар эрдэ  киирбит этиилэрбит учуоттаналларын ситиһэр наада, -  диэн Ил Түмэн олохтоох салайыныыга сис кэмитиэтин бэрэссэдээтэлэ  Владимир Прокопьев этэр.

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
Уопсастыба

Табаһыт күнүнэн!

Ытыктабыллаах биир дойдулаахтарым, табаһыттар! Ил Түмэн, «Саха Аартыката» эрэгийиэннээҕи…
02.03.24 12:51