Доруобуйа харыстабылын министиэристибэтэ каадыры хаҥатыы боппуруоһун быһаарыыга үбүнэн- харчынан кытары уларыта сатыыр. Ити курдук, биэдэмистибэ биир сүрүн көҕүлээһининэн «Земскэй быраас» уонна «Земскэй биэлсэр» бырагыраамаларга мэдиссиинэ дуоһунастарын испииһэгин саҥардыыта буолар. Ол туһунан нуормалыыр-быраап аахталар бырайыактарын порталыгар бирикээс бырайыага 2024 с. олунньу 2 күнүгэр диэри уопсастыбаннай дьүүллэһиитэ ыытыллар.
2012 сылтан, 10-тан тахса сыл, дойдуга «Земскэй быраас» уонна «Земскэй биэлсэр» бырагыраамалар үлэлииллэр. Кинилэр көмөлөрүнэн быраастар, биэлсэрдэр, акушеркалар, сиэстэрэлэр уонна быраастар тыа сиригэр үлэлии көһөн бардахтарына, биир кэмнээх төлөбүрдэри ылаллар. Быраастарга мөлүйүөн солкуобай төлөнөр, оттон мэдиссиинэ орто үлэһиттэригэр 500 тыһ. солк. бэриллэр. Ону таһынан нэһилиэнньэлээх пууннар ыраах, уустук суоллаах-иистээх сиргэ баар буоллахтарына, төлөбүрдэрин суумата 1,5 мөлүйүөн уонна 750 тыһ. солк. диэри улааталлар. Оттон Уһук Илиҥҥэ, Уһук хоту эбэтэр Аартыка зонатын эрэгийиэннэригэр үрдүкү уонна орто анал үөрэхтээх исписэлиистэр үлэлииргэ быһаарыннахтарына, икки уонна биир мөлүйүөнү ылаллар.
-
0
-
0
-
0
-
0
-
0
-
0
