Издательский дом Редакция Подписка
Погода в Якутске: . 14 oC

Кыайыы 80 сылынан Хорообут орто оскуолатыгар кылаастар икки ардыларыгар уус-уран көрүү куонкуруһа ыытылынна диэн "Эркээйи"  суруйар.

Кыайыы 80 сылынан Хорообут орто оскуолатыгар кылаастар икки ардыларыгар уус-уран көрүү куонкуруһа ыытылынна диэн "Эркээйи"  суруйар.

Быйыл саас Хорообут нэһилиэгин олохтооҕо, элбэх оҕо ийэтэ Ольга Константиновна Решетникова төрөөбүтэ 60 сылыгар анаан оҕолоро аймахтара социальнай бырайыак күрэһин ыыппыттара. Онно 11-с кылаас оҕолоро «Память» бырайыагынан иккис миэстэ буолан 6000 солк. наҕараадаламмыттара. Бырайыак олоххо киирэн, куонкуруһу тэрийдибит. «Битва хоров» ‒ кылааһынан хуор толоруутун көрүү уонна уус-уран айымньыттан быһа тардан туруоруу. Куонкурус сыала-соруга ‒ Кыайыыны уһансыбыт эһэлэрбитин, хос эһэлэрбитин үөрэнээччилэргэ билиһиннэрии, кинилэр ааттарын үйэтитии. Хас биирдии оҕо эһэлэрин туһунан хасыһан булбут матырыйаалынан альбому оҥоруу.

Тэрээһиммитигэр сэрии, тыыл 12 бэтэрээнин оҕолоро, сиэннэрэ успуонсардаатылар, күндү ыалдьыт буоллулар.

Хуордар куонкурустарыгар алын сүһүөх кылаастарга бастакы 4 кылаас (сал. М.А.Андреева) кэлэктиибэ буолла. Успуонсар ‒ сэрии бэтэрээнин Сергучев Илья Михайлович сиэннэрэ Сергучевтар дьиэ кэргэн. Иккискэ 1 кылаас (Ю.Ю.Скрябина) таҕыста. Успуонсар ‒ сэрии бэтэрээнэ Марков Семен Петрович сиэннэрэ Марковтар дьиэ кэргэн. Үһүскэ 2 кылаас буолла (В.В.Птицына). Успуонсар ‒ тыыл, үлэ бэтэрээннэрэ Александра Иннокентьевна, Петр Егорович Потаповтар кыыстара Н.П.Ильина.

Үрдүкү сүһүөх кылаастарга бастакы 9 кылаас буолла (С.П.Сергучева). Успуонсар ‒ сэрии кыттыылааҕа Андреев Тихон Филиппович сиэннэрэ Куличкиннар, Андреевтар дьиэ кэргэн. Иккис 5 кылаас кэлэктиибэ таҕыста (Н.Н.Босикова). Успуонсар ‒ сэрии бэтэрээнэ Федор Иванович Птицын оҕолоро, сиэннэрэ. Үһүс ‒ 6 кылаас (Н.П.Андреев). Успуонсар ‒ сэрии уонна тыыл бэтэрээнэ Бугаев Егор Прокопьевич оҕолоро Бугаевтар дьиэ кэргэн. Төрдүс ‒ 7 кылаас (Е.А.Шестакова). Успуонсар ‒ сэрии уонна доруобуйа харыстабылын бэтэрээнэ Е.П.Бугаев кыыһа О.Е.Васильева.

Инсценировка түмүгүнэн алын сүһүөх кылаастарга бастакы ‒ 2 кылаас (В.В.Птицына). Успуонсар ‒ сэрии бэтэрээнэ Герасимов Николай Гаврильевич оҕолоро Герасимовтар дьиэ кэргэн. Иккис ‒ 1 кылаас (Ю.Ю.Скрябина). Успуонсар ‒ сэрии уонна тыыл бэтэрээнэ Егоров Павел Евсеевич кийиитэ, сиэннэрэ Евсеевтэр. Үһүс ‒ 3 кылаас (М.А.Осипова). Успуонсар ‒ үлэ бэтэрээнэ Игнатьев Василий Афанасьевич кыыһа А.В.Сергина.

Үрдүкү кылаастарга бастакы ‒ 9 кылаас (С.П.Сергучева). Успуонсар ‒ Сталинград кыргыһыытын буойуна, сэрии бэтэрээнэ Иннокентий Гаврильевич Плотников кыыһа Шепелева Мотрена Иннокентьевна, Тыа хаһаайыстыбатын научнай-чинчийэр институтун исписэлииһинэн өр кэмҥэ үлэлээбитэ, билигин бочуоттаах сынньалаҥҥа олорор. Иккис ‒ 8 кылаас (Н.Н.Евсеева). Успуонсар ‒ сэрии бэтэрээнэ Иннокентий Петрович Ильин оҕолоро, кыыһа Марфа Иннокентьевна оҕолорго Кыайыы 80 сылынан «Айар» кинигэ кыһата таһаарбыт «Буойун суруйааччылар», остуол оонньуутун, набордары туттарда. Үһүс ‒ 6 кылаас (Н.П.Андреев). Успуонсардар ‒ сэрии бэтэрээнэ Руф Петрович Алексеев сиэннэрэ Е.Р.Винокурова, Н.В.Ноговицына.

«Бастыҥ уол оҕо оруола» анал ааты 2 кылаастан Дьулус Птицын, 8 кылаастан Никита Скрябин ылары ситистилэр. «Бастыҥ кыыс оҕо оруола» аатынан 9 кылаастан Света Чугунова, 8 кылаастан Агнесса Птицына бэлиэтэннилэр.

Кылаастар бары бэркэ Кыайыы 80 сылыгар анаммыт тэрээһиҥҥэ бэлэмнэнэн, ыллаан-туойан, араас оруолга холонон талааннарын, дьоҕурдарын көрдөрдүлэр. Түмүккэ  успуонсардаабыт дьиэ кэргэттэрбитигэр салалта аатыттан Махтал суруктар, минньигэс бэлэхтэр туттарылыннылар. Оҕону байыаннай, патриотическай тыыҥҥа иитиигэ бэйэлэрин кылааттарын киллэрсибит нэһилиэкпит сэрии, тыыл бэтэрээннэрин оҕолоругар, сиэннэригэр, хос сиэннэригэр барҕа махталбын тиэрдэбин. Тэрээһиммит сыалын ситтэ. Бырайыак сыллата салҕанарыгар баҕа санааларын биллэрдилэр.

Туругурдун Сир үрдүнэн эйэлээх олох. Кыайыыны уһансыбыт аҕаларбытыгар, эһэлэрбитигэр сиргэ тиийэ сүгүрүйэбит, махтанабыт.

Октябрина Васильева.

   

 

              

 

 

 

 

 

    

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением