Кинини эҕэрдэлии улуус баһылыга Степан Саргыдаев, улуус дьокутааттарын Сэбиэтин бэрэссэдээтэлэ Яков Оконешников, тэрилтэлэр бэрэстэбиитэллэрэ, суруйааччылар, үөлээннээхтэрэ, бииргэ үлэлээн, алтыһан ааспыт дьоно-сэргэтэ муһуннулар.
Тыл эппиттэр бука бары Павел Петрович улууһун дьиҥнээх патриота буоларын, култуура уонна духуобунас эйгэтигэр, кэлэр кэнчээри ыччаты иитиигэ өр сылларга үтүө суобастаахтык үлэлээбитин, кини суруйааччы, суруналыыс быһыытынан суолтатын бэлиэтээтилэр. Олоҕун аргыһынаан Мария Николаевналыын 5 уол оҕону төрөтөн, үлэһит дьон оҥортообуттарын, улуус киэн туттар ыала буолалларын эттилэр.
Улуус сайдыытыгар киллэрбит кылаатын иһин киниэхэ “Чурапчы улууһун бочуоттаах бэтэрээнэ”, “Улуу Кыайыы 80 сыла” бэлиэлэри, о.д.а. туттардылар.
Анатолий Слепцов, Саха сирин суруйааччыларын сойууһун чилиэнэ, Ойуунускай аатынан литературнай музей үлэһитэ, быраас:
-- Павел Петровиһы кытта сойууска киириэхпиттэн билсэбин. Билсэрбит тухары мин айар үлэбэр ханнык хайысханы тутуһан сылдьарбар сүбэлии-амалыы, үөрэтэ-такайа сылдьааччы. Билигин куоракка олорор-үлэлиир киһиэхэ миэхэ тыа сириттэн сылдьар суруйааччыбыт кини ситимниир. Ону таһынан оччотооҕу суруйааччы убайдарбытын кытта алтыһан ааспыт киһибит буолан, кинилэри кытта эмиэ ситимниир. Онон киниэхэ махталым муҥура суох, өссө да айа-тута сырыт диэн баҕа санаабын этэбин.
Елена Макаринская, Чурапчы.
-
0
-
0
-
0
-
0
-
0
-
0
