Соторутааҕыта, ыам ыйын 25 күнүгэр Бүлүү өрүс күнүн бэлиэтээбиппит. Бу күнү бэлиэтиир туһунан быһаарыы 2017 сыллаахха, дойдуга Экология сылын чэрчитинэн Бүлүүгэ ыытыллыбыт экологтар улахан мунньахтарыгар ылыллыбыта. Бүлүү өрүс былыр-былыргыттан өҥ хочолорунан, көмүс хатырыктааҕынан, баай булдунан-алдынан, кылыгырас ыраас уутунан, кэрэ көстүүтүнэн аатырар.
Аан бастакы экологическай бэстибээл 2014 сыл балаҕан ыйын 26 күнүгэр Дмитрий Макаров аатынан «Бүлүү күөх курдааһына» диэн экология пуондатын көҕүлээһининэн уонна Бүлүүтээҕи айылҕа харыстабылын иниспиэксийэтин, Бүлүү куорат дьаһалтатын өйөбүлүнэн ыытыллыбыта.
Санатан эттэххэ, «Бүлүү» уопсастыбаннай экологическай кэмитиэт 2017 сыллаахха өрөспүүбүлүкэтээҕи экологическай пуоруму тэрийбитэ. Онно Бүлүү өрүс күнүн күнэ-дьыла чопчу бигэргэммитэ. Онтон ыла ыам ыйын 25 күнүгэр өрөспүүбүлүкэҕэ Бүлүү өрүс күнүн бэлиэтиир үтүө үгэс олохтоммута.
Бу күн Бүлүү өрүс экологиятыгар сыһыаннаах араас тэрээһиннэр, куонкурустар, субуотунньуктар ыытыллаллар. Бүлүү бөлөх улуустарыгар өрүс кытылын ыраастааһын субуотунньуктара буолаллар.
Хаартыска: Экология, айылҕаны туһаныы уонна ойуур хаһаайыстыбатын пресс-сулууспата
-
0
-
0
-
0
-
0
-
0
-
0
