Ытыктабыллаах биир идэлээхтэрим!
Саха Өрөспүүбүлүкэтин Экологияҕа, айылҕаны туһаныыга уонна ойуур хаһаайыстыбатыгар министиэристибэтин аатыттан Арассыыйаҕа Эколог күнүнэн уонна Аан дойдуга Тулалыыр эйгэ күнүнэн биир идэлээхтэрбин, айылҕа харыстабылын бэтэрээннэрин, эдэр экологтары уонна уопсастыбанньыктары эҕэрдэлиибин! Бу бэлиэ күн кэлэр көлүөнэ ыччат дьылҕатын кэскилин уонна айылҕа баайын-дуолун харыстыыр туһугар сыралаһар дьону барыбытын ситимниир. Бу дьон сыралаах үлэлэрэ, көхтөөх позициялара айылҕа харыстабылын салайыы систиэмэтин тупсарыыга тутаах оруолу ылар.
Саха Өрөспүүбүлүкэтэ айылҕа баайын-дуолун харыстааһыҥҥа уонна экологияҕа куттал суох буолуутун ситиһиигэ үгүс үлэни ыытар. Аныгы кэм ирдэбилигэр эппиэттиир араас хайысхалаах үлэҕэ кэтиир уорганнар, билим эйгэтэ, уопсастыбаннай тэриллиилэр, эдэр экологтар холбоһуктара киллэрэр кылааттара сүҥкэн.
Күннэтэ сыралаһан, тулалыыр эйгэ харыстабылыгар тус кылааттарын киллэрэр дьоҥҥо ис сүрэхпиттэн махтанабын. Кытаанах доруобуйаны, үлэҕэ-хамнаска ситиһиини уонна тус олоххутугар дьолу-соргуну баҕарабын.
Хаартыска: Экология, айылҕаны туһаныы уонна ойуур хаһаайыстыбатын пресс-сулууспата
-
0
-
0
-
0
-
0
-
0
-
0
