Улуустарынан үлэ номнуо ыытыллар. Хаҥалас улууһун V Малдьаҕар нэһилиэгин баһылыгын солбуйааччы Майаана Моруот "Хаҥалас" хаһыакка маннык иһитиннэрэр:
— Кытыл Дьура улууска өрүс эстиитин биир бастакынан көрсөр. Элбэхтэ “ууга баран” дьон син кэмигэр дьаһана үөрүйэх. Дьаһалтаҕа анал 5 киһилээх хамыыһыйа үлэлиир. Бары хонтуруоллуур, сэрэтэр сулууспалартан улуустан кэлэн бэлэммитин бэрэбиэркэлээн, ситэ оҥоһуллубатахха болҕомто уурары этэн бартара, инструктаһы бардыбыт. Эминэн-туомунан, бородууктанан, уматыгынан хааччыллан, хочуолунайбытыгар чохпут кэлэн турар. Дьон үксэ үрдүк сирдэргэ дьиэлэрин көһөрөн билигин үс ыал «ууга барар» кутталлаах. Улахан уу кэллэҕинэ, биллэн турар, кыһалҕа баҕар тахсыаҕа, инникини тымтыктанан көрбүт суох. Хомунан көһө турарга кыаллыбат ыалларга көмө биригээдэ дьоно биллэллэр. Оҥочо чааһыгар – биир, дуогабарынан, баар. Дьон үксэ мотуордаах оҥочолоохтор, ыксал буоллаҕына көмөҕө кэлиэхтэрэ, бензининэн хааччыйа сатыахпыт, таараламмыт уматыкпыт кэлэн турар. Халаан уута этэҥҥэ, улахан хорумньуну таһаарбакка, сөпкө ходуһаларбытын угуттаан аастар диэн баҕа санаалаахпыт, — диэтэ хамыыһыйа чилиэнэ.
Сонун төрдө уонна хаартыска: "Хаҥалас", Людмила АММОСОВА
-
0
-
0
-
0
-
0
-
0
-
0
