Андрей Михайлович Находкин, Ил Түмэн сир сыһыаннаһыыларыгар, айылҕа ресурсаларыгар уонна экологияҕа сис кэмитиэтин бэрэссэдээтэлэ:
Күндү Сахам Сирин олохтоохторо!
Эһигини Арассыыйа Федерациятын Судаарыстыбаннай былааҕын күнүнэн эҕэрдэлиибин!
Арассыыйа былааҕа гиэрбэни уонна өрөгөй ырыатын кытта биһиги судаарыстыбаннаспыт бэлиэтэ буолар. Ханнык баҕарар кэмҥэ кини Ийэ дойдубут сүдүтүн уонна модун кыаҕын көрдөрөрө. Легендарнай триколор үйэлэргэ умнуллубат аатынан-суолунан сууламмыт, кини Улуу Кыайыылары, билим арыйыыларын, култуура ситиһиилэрин уонна дойду олоҕор атын да суолталаах түгэннэри киэргэппитэ.
Судаарыстыбаннай былаах бары омуктар, социальнай бөлөхтөр, бэлиитикэ баартыйаларын уонна уопсастыбаннай тэрилтэлэр бэрэстэбиитэллэрин биһиги дойдубутун күүстээх уонна тутулуга суох гынарга дьулуһар санааларыгар түмэр. Кини көлүөнэлэр утумнаһыыларын бигэргэтэр, патриотизм тыынын бөҕөргөтөр.
Сахабыт Сирин олохтоохторо бэйэлэрин үлэнэн ситиһиилэринэн Арассыыйа Федерациятын Судаарыстыбаннай былааҕын аатын-суолун чиҥэтиэхтэрэ уонна саҥа, модун сайдыылаах Арассыыйаны тутууга дьоһун кылааты киллэриэхтэрэ диэн эрэнэбин.
Күндү биир дойдулаахтарым, эһиэхэ чэгиэн доруобуйаны, эйэни, дьолу-соргуну уонна уйгуну-быйаҥы баҕарабын. Бу күн эһиэхэ барыгытыгар Арассыыйабыт туһугар туруоруллубут сыаллары ситиһэргэ күүһү-уоҕу уонна эрэли эптин! Уонна Арассыыйа былааҕа иллээх-эйэлээх, дьоллоох уонна күүстээх дойду үрдүнэн тэлимнии турдун!
-
0
-
0
-
0
-
0
-
0
-
0
