"Отделение сэбиэдиссэйэ, быраас-офтальмолог-лазеролог Надежда Шоноева сиэстэрэ Варвара Торговкиналыын Ньурба куоракка уонна Сунтар сэлиэнньэтигэр консультациялыыр көрүүнү ыыттылар. Олорго талыллыбыт дьоҥҥо миэстэтигэр тиийэн лазерынан эмтээһин оҥоһулунна.
45 киһи Дьокуускайга бара сатаабакка, сүүһүнэн килэмиэтири айаннаан эрэйдэммэтэ.
Бүгүн биригээдэ Мииринэйгэ үлэлиир. Хомойуох иһин, сорох ыарыһахтар ыалдьан хааланнар кэлбэтилэр, ол эрээри 16 киһиэхэ көмө номнуо оҥоһулунна, өссө да үлэлииргэ хас да күн баар.
Биригээдэҕэ суруттарыы бэйэ олорор сирин поликлиникатыгар, оттон көрдөрүнэр наадалааҕын (показание) быраас эрэ туруорар кыахтаах.
«Мобильнай окулист» бырайыак күһүҥҥү кэмҥэ өрүс суола тоҥуор диэри актыыбынайдык үлэтин салгыыр", -- диэн суруйда.
Хаартыска: Иван Луцкан МАХ ханаалыттан
-
0
-
0
-
0
-
0
-
0
-
0
