Кини санатарынан, урут маннык эппиэтинэс КоАП 22 ыстатыйатыгар баар эбит буоллаҕына, билигин — 45 ыстатыйаҕа.
- Омук дойдутун гражданнара дойдуттан үүрүллэллэр (выдворение), ол иһигэр:
- наркотигы сокуоннайа суох эргиниигэ;
- педофилияны, эр киһиттэн дьахтарга (уонна төттөрү) уларыйыыны, айылҕаттан атын сыһыаннаһыылары пропагандалааһыҥҥа;
- иммиграция быраабылатын, Судаарыстыбаннай кыраныысса эрэсиимин кэһиигэ;
- полиция үлэһитин эбэтэр Судаарыстыбаннай кыраныыссаны харайар эбээһинэһи толоро сылдьар байыаннай сулууспалаах сокуоннай дьаһалын толорбот буолууга;
- Интэриниэккэ киһи дьоһунун уонна уопсастыба сиэрин кэһэр информацияны тарҕатыыга;
- уопсастыбаннай бэрээдэги кэһиигэ;
- Арассыыйа Сэбилэниилээх Күүстэрин туһаныыны намтатар сыаллаах дьайыыларга, биһиги дойдубутугар, олохтоохторугар эбэтэр хампаанньаларыгар бэлиитикэ уонна экэниэмикэ саансыйаларын киллэрэри, уһатары ыҥырыыга;
- дискриминацияҕа, ол эбэтэр киһи омугун, нассыналынаһын, тылын, сааһын, итэҕэлин уо.д.а. көрөн быраабын, көҥүлүн уонна сокуоннай интэриэһин кэһиигэ.
«Ис дьыала министиэристибэтин дааннайынан, 2026 сыл 8 ыйын устата биһиги дойдубутугар киирэри 260 тыһыынчаттан тахса мигирээҥҥэ бобуллубут. Бу 2025 сыл бу кэминээҕи көрдөрүүтээҕэр 75,8% элбэх», — диэн Вячеслав Володин кэпсээтэ.
«Киирэри бобуу сүрүн төрүөтэ — Арассыыйаттан административнай үүрүү (выдворение) уонна депортация», — диэн кини бэлиэтээтэ.
«Маны тэҥэ, Федеральнай суут бириистэптэрин сулууспата 2026 сыл 9 ыйын устата Арассыыйа сокуонун кэспит 63,5 тыһыынча мигирээни күһэйэн дойдутугар таһаарда», — диэн Судаарыстыбаннай Дуума Бэрэссэдээтэлэ эбэн эттэ.
«Саҥа нуормалар нелегальнай миграцияны утары охсуһууну салгыырга, ону тэҥэ дойдубутугар уопсастыбаннай куттал суох буолуутун үрдэтэргэ көмөлөһүөхтэрэ», — диэн Вячеслав Володин тоһоҕолоон бэлиэтээтэ.
«2024 сылтан саҕалаан Судаарыстыбаннай Дуума миграция бэлиитикэтин тупсарарга туһаайыллыбыт 32 федеральнай сокуону ылынна. Олортон 21-рэ — дьокутааттар киллэрбит этиилэрэ», — диэн Судаарыстыбаннай Дуума Бэрэссэдээтэлэ түмүктээтэ.
Хаартыска: Ааптар түһэриитэ
-
0
-
0
-
0
-
0
-
0
-
0
