Сыыппара солкуобайа
Балаҕан ыйын 1 күнүттэн бөдөҥ бааннар килийиэннэригэр сыыппара солкуобайынан туһанар кыаҕы биэриэхтээхтэр. Ол иһигэр счет арыйыы, харчыны ыытыы, атыылааһыны төлөөһүн бааллар.
Эргиэн хампаанньалара сылга 120 мөл. солк. тахса дохуоттаах буоллахтарына эмиэ сыыппара солкуобайынан төлөбүрү ылары хааччыйыахтаахтар. Атын бааннар уонна атыылааччылар икки сыл устата сыыйа холбонуохтара. Сылга 5 мөл. солк. кыра дохуоттаах тэрилтэлэр сыыппара солкуобайы ылыы эбээһинэһиттэн босхолоноллор.
Кыраасданнарга сыыппара солк. туһаныы баҕа өттүнэн буолар. Электроннай көһүлүөгү арыйан, онон төлөбүрү киһи баан сыһыарыыларынан оҥоруон сөп, бары өҥө босхо буолуо.
Төлөбүргэ биир QR-куод
Балаҕан ыйын 1 күнүттэн Арассыыйаҕа универсальнай QR-куод үлэлиэҕэ. Бу каартата суох төлүүрү судургутутуоҕа уонна каассаҕа элбэх араас QR-куод бутуурун суох оҥоруоҕа.
Бу төлөбүр атын көрүҥнэри туһанарга көмөлөһүөҕэ. Холобур, БКТ-н (СБП) уонна баан сервистэриттэн төлөбүр болдьоҕун уһатары (рассрочкаҕа) уонна сыыппара солкуобайы туһанары хааччыйыа. Маныаха бонус уонна чэпчэтии оннунан хаалыаҕа, оттон Нассынаалынай төлөбүр тиһигин (НСПК) босхо өйөбүлүн суотугар бааннар технологияны киллэриигэ ороскуоттара кыччыаҕа.
Криптовалютаны сокуонунан бигэргэтии
2026 сыл балаҕан ыйын 1 күнүттэн Арассыыйаҕа криптовалюта туһунан сокуон күүһүгэр киириэҕэ: эргиэн биржаҕа барыаҕа, актыыптары харайыыны сыыппара депозиттара хааччыйыахтара, оттон криптообменниктар официальнай ыстаатыһы ылыахтара.
Атыы-эргиэн кыттыылаахтарыгар үгүстэригэр криптовалюта инбэстииссийэ үнүстүрүмүөнүнэн эрэ хаалыаҕа, ол эрээри, төлөбүрү төлөһөр бобуллар.
Биржаҕа үрдүк хапытааллаах уонна уһун устуоруйалаах манньыаттары эрэ киллэриэхтэрэ. Бу киритиэрийдэргэ, холобур, биткоин уонна эфириум эппиэттииллэр. Квалификацията суох инбиэстэрдэр тургутугу ааһыахтара, оттон лимиитэ 300 000 солк. диэри буолар.
Ааптар хаартыскаҕа түһэриитэ
-
0
-
0
-
0
-
0
-
0
-
0
