“От ыйын 26 күнүгэр болдьоммут хаамыы буолбатын туһунан быһаарыы ылынныбыт. Ханнык күҥҥэ көһөрүн эпидемиологическай балаһыанньа тубустаҕына быһаарыахпыт”, -- диэн “Өлбүт үйэлээх пуолк” хамсааһын пресс-сэкирэтээрэ Ольга Байбулова эппит. Оттон хамсааһын киин штабын хос бэрэссэдээтэлэ, ССРС норуодунай артыыһа Василий Лановой “Өлбөт үйэлээх пуолк” хаамыыны 2021 сыл ыам ыйын 9 күнүгэр көһөрөр туһунан этии киллэрбит. “Уонунан мөлүйүөн дьон кыайыыны аҕалбыт дьонноругар аналлаах өйдөбүнньүк тэрээһиннэргэ кытыннылар. Ым ыйын 9 күнүгэр, бэс ыйын 22,24 күннэригэр биһиги кинилэр килбиэн ааттарын ахтыбыппыт, тыыннаах ветераннары чиэстээбиппит. Оччотугар “Өлбөт үйэлээх пуолк” хаамыыны 2021 сыл ыам ыйын 9 күнүгэр – Кыайыы күнүгэр ыытарбыт тоҕоостоох буолуон сөп”, -- диэн Василий Лановой эппитин “Өлбөт үйэлээх пуолк” хамсааһын пресс-сулууспа таһаарбыт.
-
0
-
0
-
0
-
0
-
0
-
0
