“Арассыыйа үрдүнэн биллэриллибит Өйдөбүл уонна Албан аат сылыгар итиэннэ өрөспүүбүлүкэбит иһинэн Төрөөбүт дойдуга бэриниилээх буолуу сылыгар Кыайыы 75 сыллаах үбүлүөйүн чэрчитинэн былааннаммыт дьаһал барыта туолла. Ол эрээри, үлэ манан түмүктэммэт. Пуонда сэрии уонна тыыл бэтэрээннэрин үйэтитиигэ салгыы үлэлиэ”, -- диэтэ Афанасий Семенович.
Сэрии, тыыл, Сэбилэниилээх күүстэр уонна быраабы араҥаччылыыр уорганнар бэтэрээннэрин (биэнсийэлээхтэрин) уопсастыбаннай тэрилтэтин бэрэссэдээтэлэ Вильям Очирович Иванов пуонда үбэ кэппиэйкэтигэр тиийэ учуоттанарын этэн туран, тохсунньуттан саҕалаан 19 мөл. 526 тыһ. 891 солк. суумалаах норуот харчыта хомуйуллан киирбитин, мантан 10 мөл. 172 тыһ. 822 солкуобайа ороскуоттаммытын отчуоттаата.
РФ Бэрэсидьиэнигэр СӨ бастайааннай бэрэстэбиитэлин бастакы солбуйааччы Александр Сафронов уоттаах сэрии буолбут сирдэригэр саха буойуттарыгар аналлаах пааматынньыктары, мемориаллары саҥалыы сөргүтэргэ туох үлэ оҥоһуллубутун иһитиннэрдэ. Өрөспүүбүлүкэ бүддьүөтүттэн, “Кыайыы – 75” пуондаттан, Бэрэсидьиэн граннарын пуондатыттан, муниципальнай тэриллиилэртэн уонна тэрилтэлэртэн киирбит үбүнэн 3 мөл. 861,98 тыһ. солк. кээмэйдээх үлэ оҥоһуллубут. 644 буойун аата-суола чуолкайданан саҥалыы суруллубут.
Кыайыы волонтердара бэтэрээннэргэ көмөлөрүн туһунан Алгыс Петров иһитиннэрдэ. Муомаҕа баар “Кыайыы” хайатыгар ыттыбыт бөлөх салайааччыта Василий Местников уонна Ильмень эбэни тула марафоҥҥа кыттыбыт Ульяна Окорокова бырайыактарын олоххо хайдах киллэрбиттэрин билиһиннэрдилэр. Сэриигэ кыттыбыт 26 саха суруйааччыларын үйэтитэр галерея оҥорбуттарын суруйааччы Степан Ефремович Сивцев кэрэхсэбиллээхтик кэпсээтэ.
Хаартыска: Денис Попов
-
0
-
0
-
0
-
0
-
0
-
0
