1942 сыллаахха, сэтинньи 25 күнүттэн ахсынньы 17 күнүгэр диэри, 326-с стрелковай дивизия састаабыгар Саха сириттэн төрүттээх элбэх саллаат Зубцовскай оройуон улахан хаан тохтуулаах кыргыһыыларыгар кыттыбыта биллэр. Официальнай дааннайынан, бу кыргыһыыга дивизия 911 саллаатын сүтэрбит. Онтон хас биирдии онус саллаат Саха сириттэн төрүттээх этэ. Ол курдук, бойобуой сүтүктэр испиэһэктэригэр 49 Өлүөхүмэ улууһуттан төрүттээх киһи аата киирбит. Сунтаартан – 30, Ленскэйтэн – 17, Тааттаттан – 5, Дьокуускайтан – 2. Бу испиэһэк өссө да бүтэһиктээх буолбатах. Билигин Арассыыйа оборуонатын министиэристибэтин киин архыыбыгар кыргыһыы матырыйаалларын чинчийии өссө да салҕанан бара турар. Онон саха саллааттарын ааттара эбиллиэн сөп.
Өйдөбүнньүк бэлиэ Зубцовскай оройуон Холм-Березуйский диэн сиригэр турда.
-
0
-
0
-
0
-
0
-
0
-
0
