Издательский дом Редакция Подписка
Погода в Якутске: . -23 oC

Аҕа дойду Улуу сэриитин кэмигэр Ильмень күѳлгэ буолбут уоттаах кыргыhыы 80 сылыгар анаммыт тэрээhиннэргэ Ньурбаттан дэлэгээссийэнэн баран кыттан кэллибит.

Аҕа дойду Улуу сэриитин кэмигэр Ильмень күѳлгэ буолбут уоттаах кыргыhыы 80 сылыгар анаммыт тэрээhиннэргэ Ньурбаттан дэлэгээссийэнэн баран кыттан кэллибит.

Кэлбит сыалбытын-сорукпутун толороору олунньу 21 күнүгэр сарсыарда эрдэ туран, Улуу Новгородка айаммыт суолун туттубут. Биhигини кытта Постпредство үлэhитэ, Санкт-Петербург куоракка олорор биир дойдулаахтарбыт, волонтердар, барыстылар. Кинилэр госпитальга сытар саха байыастарыгар күүс-кѳмѳ буолаллар, элбэхтик сылдьаллар эбит.

Бастакы тохтобулбут "Великий Новгород - Старая Русса" трасса кытыытыгар турар "Воинам-якутянам, защитникам Старорусского района" бэлиэҕэ буолла.

768efec1 7650 4e37 989c 81ce3cf14f40

9704c8f8 e2e8 45a4 b0f7 7e8e81d656b7

Сүгүрүйэн, сибэкки, алаадьы ууран аастыбыт. Салгыы Старай Руссаҕа Хотугулуу-Арҕааңңы фронт түмэлигэр тиийдибит. Онно биhигини түмэл үлэhиттэрин кытта Тума И.Г., Васильев К.В. тиийэн, кэтэhэн тураллара. Түмэл олус баай эбит. Оҕолор музейы кѳрѳр кэмнэригэр быыс булан, Тума Игорь Григорьевиhы кытта чѳкѳ олорон үлэлээтибит, кѳрдүүр үлэни хайдах ыыталларын кэпсээтэ, сүбэ-ама биэрдэ, сотору Саха Сиригэр, чуолаан чурапчылар ыңырбыттарын кэпсээтэ, сибээспитин салгыах буоллубут. Түмэлгэ Ильмень күѳл кыргыhыытыгар олохторун толук уурбут буойуттарбыт тустарынан матырыйааллары туттардыбыт, ахтыы оңордубут. Ол курдук, Ильмень күѳлгэ сэриилэспит уонна онно кѳмүс уңуоҕа хаалбыт Семенов Игнатий Àлексеевичка аймахтара соторутааҕыта эрэ ыыппыт суруктарын ааҕан, кэпсээн туран, түмэлгэ туттардым уонна Лазарева Р.И., Степанова М.И. чугас аймахтарын тустарынан эмиэ матырыйааллары туттардылар.

140fda61 86da 4bb0 aa1a 25bad7a2f168

Онтон салгыы Устрек дэриэбинэҕэ тиийэн траурнай миитиңңэ кытынныбыт. Биhигини кытта чурапчылар эмиэ тиийдилэр. Тымныыны тымныы диэбэккэ, олохтоохтор, ыалдьыттар кэлбиттэр. Санньыйан, курутуйан туран, бу кыргыhыыга Саха Сириттэн элбэх буойун сырдык тыына быстыбытын кэпсээтилэр. Олохтоохтор түүн тиийэн дьоннор ѳлүктэрин хомуйан, биир ииңңэ ытыы-ытыы кистээбиттэрин олус долгуйа иhиттибит. Күѳлгэ олус элбэх киhи тимирбитин, уута хаанынан туолбутун, оннооҕор билиңңэ диэри таастарга хаан сүппэттии иңэн хаалбытын кэпсээтилэр. Кѳрдүүр үлэлэр олус наадалаахтарын бэлиэтээтилэр уонна күүстээх үлэ ыытылларыгар баҕардылар.

Ньурбатааҕы лицей "Искра" байыаннай-патриотическай кулуубун оҕолоро байыаннай дефиле оңордулар. Ильмень күѳлгэ киирэн чѳкѳ сиэр-туом оңорон, уот оттон сыт таhааран, сахалыы алаадьы ууран, туос, кытыан уматан уонна саха саллаата Семенов И.À. тѳрѳѳбүт дойдутун буорун илдьэн, Ильмень күѳл биэрэгэр куттубут. Салгыы Ретле дэриэбинэҕэ тиийэн, сэргэҕэ алгысчыппыт Сивцев À.И. сиэр-туом оңордо. Биhигини кытта сэргэ ааптара Михайлов À.В. кэргэнин кытта сырытта.

Онон олус суолталаах тэрээhиңңэ сырыттыбыт. Эдэр ыччат сэрии иэдээнин-алдьархайын би лиэхтээх. Ону кѳлүѳнэттэн кѳлүѳнэҕэ тиэрдии хас биирдиибит ытык иэспит буолар. Ким да умнуллубат, туох да умнуллубат!

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением