Күрэххэ Абый, Кэбэргэнэ, Сутуруоха, Белай Гора уонна Уолбут оҕолорун хамаандалара үс бөлөҕүнэн хайдыһан, барыта 52 оҕо илин-кэлин түһүстүлэр.
Бастакы бөлөххө 1-4 кылаастар алын сүһүөх оҕолоро кыргыттар уонна уолаттар 1 км. сүүрдүлэр.
Сүүрүү түмүгүнэн кыргыттарга:
1 м. — Федотова Алексия (Белай Гора, 4 кылаас)
2 м. — Никулина Сайнаара (Белай Гора, 4 кылаас)
3 м. — Новикова Амина (Белай Гора, 4 кылаас)
Уолаттарга:
1 м. — Семенов Петя (Белай Гора, 4 кылаас)
2 м. — Алексеев Лева (Белай Гора, 3 кылаас)
3 м. — Слепцов Айтал (Ураһалаах, 3 кылаас)
Орто сүһүөх оҕолоро көҥүл стилинэн 2 км сүүрдүлэр. Тыҥааһыннаах сүүрүү түмүгүнэн кыргыттарга эрэллээхтик:
1 м. — Слепцова Сандаара (Уолбут, 7 кылаас)
2 м. — Никифорова Таисия (Абый, 6 кылаас)
3 м. — Сорокоумова Нонна (Белай Гора, 8 кылаас)
Уолаттарга:
1 м.- Попов Слава (Майыар, 6 кылаас)
2 м. — Черемкин Айсен (Абый, 8 кылаас)
3 м. — Филимонов Саша (Белай Гора, 6 кылаас
Улахан бөлөх оҕолоро көҥүл стилинэн кыргыттар 3 км, уолаттар 5 км сүүрдүлэр.
Кыргыттарга:
1 м. — Ашырахманова Айтурган (Ураһалаах, 11 кылаас)
2 м. — Дохунаева Вероника (Абый, 10 кылаас)
3 м. — Стручкова Симона (Уолбут, 9 кылаас)
Уолаттарга:
1 м. — Слепцов Дима (Ураһалаах, 9 кылаас)
2 м. — Черемкин Алеша (Абый, 11 кылаас)
3 м. — Сорокоумов Максим (Ураһалаах, 10 кылаас)
Күрэх тэрийээчилэрин Веселова Л.А. анал бириистэрин кыра кылаас оҕолоро Ушакова М.К., Жирков Е.Н. бириистэрин орто бөлөх кыайыылаах оҕолоро, Гермогенов И.Н. анал бирииһин улахан бөлөх оҕолоро туттулар. Маны таһынан төрөппүттэр, учууталлар, Уолбут нэһилиэгин урбаанньыттара, күрэхтэһиини көрө кэлбит ыалдьыттар эмиэ бэйэлэрин бэлэхтэрин туттардылар.
Тэрийээччи Веселова Л.А. оҕолор үчүгэй бэлэмнээхтэрин уонна төрөппүттэр оҕолорун өйөөн бэйэлэрэ кэлбиттэрин үөрэ бэлиэтээтэ: «Маннык күрэх буолбатаҕа ырааппыт буолан, дьон ахтыбыта харахха быраҕыллар. Хайыһар — спорт уустук көрүҥнэриттэн биирдэстэрэ буолар. Бу көрүҥүнэн тулуурдаах, дьулуурдаах дьон дьарыктанар, онон хайыһары сөбүлүүр, дьаныардаахтык дьарыктанар оҕолорго доруобуйаны, олоххо, спорка үрдүк ситиһиилэри баҕарабын».
Түмүккэ бары кэлэн кыттыбыт оҕолорго, төрөппүттэргэ, тренердэргэ, Уолбукка хайыһар спордун устуоруйатын сырдаппыт Дохунаева О.А. уонна тэрээһиҥҥэ күүс-көмө буолбут биир дойдулаахтарбытыгар барҕа махталбытын тиэрдэбит, бары үтүөнү баҕарабыт.
Лариса Слепцова, Уолбут.
-
0
-
0
-
0
-
0
-
0
-
0
