Кыраай Бырабыыталыстыбатыгар судьуйалары эрэгийиэн баһылыга Олег Кожемяко, кылаабынай федеральнай инспектор Сергей Грызыхин, Приморье парламенын бэрэссэдээтэлин э.т. Сергей Кузьменко, Владивосток баһылыга Константин Шестаков, Киһи быраабыгар боломуочунайа Юрий Мельников эҕэрдэлээтилэр.
Тыл этээччилэр бэлиэтииллэринэн, Приморскай кыраай сууттарыгар 12 тыһ. тахса холуобунай, 30 тыһ. тахса административнай уонна гражданскай дьыалалар көрүллүбүттэр. Судьуйалар эбээһинэстэрин чиэстээхтик толорон, суут былааһыгар нэһилиэнньэ итэҕэйэрэ үрдээн иһэрэ туоһулуур.
Норуот дьокутааттарын ааттарыттан парламент бэрэссэдээтэлин эбээһинэһин толорооччу Сергей Кузьменко эҕэрдэлээтэ. «Уопсастыба олоҕор суут систиэмэтэ сүҥкэн оруоллааҕын өйдүүбүт. Приморскай кыраай суутун уопсастыбата үрдүк ааты чиэстээхтик сүгэр», - диэн кэмпириэнсийэ кыттыылаахтарыгар Сергей Кузьменко эттэ. Кини Приморскай кыраай судьуйаларыгар Елена Данилочкинаҕа, Максим Саликовка уонна Светлана Судницынаҕа өр сыллаах үтүө суобастаах үлэлэрин, суут үлэтигэр боччумнаах кылааттарын киллэрсибиттэринэн Бочуотунай грамоталары туттарда.
- 0
- 0
- 0
- 0
- 0
- 0