Оттон нуучча тыла Арассыыйа Федерациятыгар сүрүн судаарыстыбаннай тылбыт буолар. Онон нууччалыы билэллэрэ булгуччулаах.
“Иккис судаарыстыбаннай тылы Арассыыйа састаабыгар баар өрөспүүбүлүкэлэр эрэ бигэргэтэр кыахтаахтар. Уобаластар маннык бырааптара суох”, -- диэн Госдума дьокутаата Леонид Ивлев сыһыарыллыбыт субъектарга нуучча тылын статуһун быһаарда.
“Сиэрдээх Арассыыйа” баартыйа лиидэрэ Сергей Миронов: “Саҥа субъектар олохтоохторо РФ гражданствотын туох да бүрүкүрээтийэтэ суох быһалыы ылыахтара, өскөтүн кинилэр РФ гражданинын андаҕарын биэрдэхтэринэ”, -- диэн этии киллэрдэ.
Бу иннинэ биһиэхэ “норуодунай өрөспүүбүлүкэ” диэн өйдөбүл суох этэ. Онон эмиэ ымпыгын-чымпыгын чопчулуохтарын наада.
Судаарыстыбаннай Дуумаҕа саҥа холбоспут эрэгийиэннэрбитигэр координатор-дьокутааттар быһаарылыннылар: Луганскай Норуодунай Өрөспүүбүлүкэҕэ -- Виктор Водолацкай, Донецкай Норуодунай Өрөспүүбүлүкэҕэ -- Дмитрий Саблин, Запорожье уобалаһа --Андрей Красов, Херсон уобалаһа --Глеб Хор.
Саҥа субъектарга харчы единицатынан солкуобай олохтонор. “2022 сыл ахсынньы 21 күнүгэр диэри украинскай гривнаны туһанар көҥүллэнэр”, -- диэтэ судаарыстыбаннай тутулга уонна сокуону оҥорууга хамыыһыйатын бэрэссэдээтэлэ Павел Крашенинников.
-
1
-
0
-
0
-
0
-
0
-
0
