Издательский дом Редакция Подписка
Погода в Якутске: . -12 oC

Бу күннэргэ Дьокуускайга Госдума үлэҕэ, социальнай бэлиитикэҕэ уонна бэтэрээннэр дьыалаларыгар сис кэмитиэтин бэрэстэбиитэллэрэ  Үһук Илин эрэгийиэннээҕи үлэҕэ уонна социальнай бэлиитикэ эйгэтигэр судаарыстыбаттан көрүллэр социальнай өйөбүллэри тупсарыыга, үбүлээһинин көрүүгэ тыын суолталаах быһаарыылары ылыммыттара. 

Бу күннэргэ Дьокуускайга Госдума үлэҕэ, социальнай бэлиитикэҕэ уонна бэтэрээннэр дьыалаларыгар сис кэмитиэтин бэрэстэбиитэллэрэ  Үһук Илин эрэгийиэннээҕи үлэҕэ уонна социальнай бэлиитикэ эйгэтигэр судаарыстыбаттан көрүллэр социальнай өйөбүллэри тупсарыыга, үбүлээһинин көрүүгэ тыын суолталаах быһаарыылары ылыммыттара. 

Арассыыйа Федерациятын нэһилиэнньэтин социальнай көмүскэлин үтүөлээх үлэһитэ, Ил Түмэн II, III уонна IV ыҥырыыларга норуот дьокутаата, Чурапчы улууһун Бочуоттаах олохтооҕо Альбина Поисеева Госдумаҕа туһаайыллыбыт мэктиэ сурукка эбии этии киллэрэр сыаллаах, Москваҕа Госдума дьокутаатын, «Новые люди» баартыйа чилиэнин Сардаана Авксентьеваны көрсөрүгэр көрдөстө.

- Ил Түмэн саайтыгар норуот дьокутааттара Госдума бэрэстэбиитэллэрин кытта көрсөн, үлэҕэ уонна социальнай бэлиитикэ эйгэтигэр туруорсубут этиилэрин сэҥээрэн аахтым. Хомойуох иһин, ыйыллыбыт этиилэргэ элбэх оҕолоох ийэлэри биэнсийэнэн хааччыйыы боппуруоһа көтөҕүллүбэтэх. Мин бу боппуруоһу  норуот дьокутааттарыгар 2020 сылтан тиэрдэ сатыыбын. СӨ Уопсастыбаннай палаататын үһүс ыҥырыылаах чилиэнинэн үлэлиир кэммэр, Дьокуускай куоракка ыытыллыбыт РФ Уопсастыбаннай палаата көһө сылдьар мунньаҕар боппуруос туруорбутум. Этиибин өйдөөбүттэрэ, өйөөбүттэрэ, ол эрэн кэнники хамсааһын тахсыбатаҕа.

Быйыл Саха Сиригэр Ийэ сылыгар туһуламмыт өрөспүүбүлкэтээҕи ийэлэр Сийиэстэригэр федеральнай сокуоҥҥа кэккэ көтүтүүлэр баалларын ыйбытым. Биһиги ийэлэрбит, чуолаан, түөрт уонна онтон элбэх оҕолоох ийэлэр бочуоттаах биэнсийэҕэ тахсалларыгар эбии чэпчэтиилэр көрүллүбэттэр уонна оҕону атаҕар туруорууга айылҕабыт уустук усулуобуйата учуоттаммат.

Санаттахха, Арассыыйа ийэлэринээҕэр икки оҕолоох ийэлэр биэнсиэйэҕэ тахсалларыгар, ирдэнэр  үлэлиир ыстаастарын уонна биэнсийэҕэ тахсар саастарын аҕыйаталлар. Онтон элбэх оҕолонон истэхтэрин ахсын, чэпчэтиилэр симэлийэн иһэллэр. Холобур, Москваҕа уонна Дьааҥыга биэс оҕолоох ийэлэр биир тэҥ ирдэбилинэн биэнсийэ анаталлар – саастарынан, үлэҕэ ыстаастарынан. Бу боппуруоһу кэпсэтэргэ Сардаана Владимировнаны көрсүһүүгэ ыҥырбытым, кини тутатына сөбүлэспитэ уонна бэйэтигэр ыҥырбыта. Көрсүһүү кэмигэр кыһалҕа сүрүнүн барытын быһаарбытым. Кини билиҥҥи уустук балаһыанньаҕа, пандемия, элбэх оҕолоох ийэлэри үлэнэн хааччыйыылара мөлтөһүөр кэмигэр  ураты суолталааҕын бэлиэтээтэ уонна тутатына үлэҕэ ылла. Кини боппуруоһу үөрэтиэхпит, туһааннаах испэсэлиистэри кытта сөбүлэһиэхпит, инникитин быһаарыы ылынары толкуйдуохпут диэн эрэннэрдэ.   Биллэн турар, кини билигин ордук байыаннай  хомуур туһунан федеральнай  сокуоҥҥа уларытыылары киллэриигэ күүскэ үлэлэһэр, ол курдук, көрсүһүү кэннэ мунньахха сүүрбүтэ.

  • 2
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением