Төгүрүк остуол сэтинньи 16-17 күннэригэр ыытыллыахтаах Бүтүн Арассыыйатааҕы научнай-практическай кэмпириэнсийэҕэ бэлэмнэнии чэрчитинэн тэрилиннэ. Бу кэмпириэнсийэ Арассыыйа Бэрэсидьиэнин иһинэн Омуктар ыккардыларынааҕы сыһыаннарга сэбиэт олохтоммута 10 сылыгар уонна РФ Судаарыстыбаннай национальнай бэлиитикэтин стратегиятын 2025 сылга диэри олоххо киллэриигэ ананыаҕа.
«Докумуону "баар буоллун" эрэ диэн оҥорор наадата суох, биһиги тыл эгэлэгэтин харыстыыр этиилэрбит наадалаахтар. Балары Арассыыйа састаабыгар 4 саҥа субъект киирбитин учуоттаан ылыныахтаахпыт», - диэн тоһоҕолоон эттэ Кэмитиэн бэрэссэдээтэлэ Геннадий Семигин.
Судаарыстыбаннай Дуума Кэмитиэтэ төгүрүк остуол түмүгүнэн резолюцияны бэлэмнии сылдьар. Резолюцияны бүтүн Арассыыйатааҕы кэмпириэнсийэ киэҥ дьүүлүгэр таһаарар былааннаахтар.
-
0
-
0
-
0
-
0
-
0
-
0
