Издательский дом Редакция Подписка
Погода в Якутске: . -11 oC

Ил Түмэн бэрэссэдээтэлин бастакы солбуйааччыта Александр Жирков уонна бырабыыталыстыба вице-премьера Сергей Местников салайыыларынан сэтинньи 14 күнүгэр «Саха Өрөспүүбүлүкэтигэр тыллар тустарынан» СӨ сокуона ылыллыбыта 30 сылын бэлиэтээһини бэлэмниир уонна тэрийэр хамыыһыйа уочараттаах мунньаҕа буолла.

Ил Түмэн бэрэссэдээтэлин бастакы солбуйааччыта Александр Жирков уонна бырабыыталыстыба вице-премьера Сергей Местников салайыыларынан сэтинньи 14 күнүгэр «Саха Өрөспүүбүлүкэтигэр тыллар тустарынан» СӨ сокуона ылыллыбыта 30 сылын бэлиэтээһини бэлэмниир уонна тэрийэр хамыыһыйа уочараттаах мунньаҕа буолла.

— Өрөспүүбүлүкэҕэ араас омук тылларын, култуураны харыстааһыҥҥа уонна сайыннарыыга улахан болҕомто ууруллар. Бүгүн аан дойдуга глобализация усулуобуйатыгар цифровизация саҥа кыахтарын туһанар суолтата улаатта, — диэн Ил Дархан Айсен Николаев бэлиэтиир. Сокуон ылыныллыбыта 30 сылын чэрчитинэн, Олоҥхо дэкээдэтэ, ХИФУ-га уонна Национальнай бибилэтиэкэҕэ араас тэрээһиннэр, СӨ Баһылыгын иһинэн тыл бэлиитикэтин Сэбиэтин мунньаҕа ыытыллыахтара. Үбүлүөйдээх биир сүрүн бэлиэ түгэнинэн саха тылын, литературатын уонна култууратын учууталларын өрөспүүбүлүкэтээҕи II сийиэһэ буолуоҕа. Бу тэрээһиҥҥэ 8-с дискуссионнай былаһаакка тэриллиэҕэ, ол иһигэр цифровой үөрэххэ, учуобунньуктары, оҕолорго уонна оскуола иннинээҕи саастаах кыраларга литератураны оҥорууга, о.д.а.

Сэтинньи 22 күнүгэр «Саха Өрөспүүбүлүкэтигэр тыллар тустарынан» СӨ сокуона 30 сылыгар аналлаах, үөһээ этиллибит сийиэс дэлэгээттэрин кытта көрсүһүү буолуоҕа. Манна ааспыт 30 сыл устатыгар сокуон толоруутун ырытыыта оҥоһуллуоҕа, ону тэҥэ өрөспүүбүлүкэ сокуоннарыгар уларытыылары уонна эбиилэри киллэрэр боппуруостар көтөҕүллүөхтэрэ. Маны таһынан, бу күннэргэ өрөспүүбүлүкэҕэ саха тылын уонна литературатын үөрэтии Кэнсиэпсийэтин ырытан оҥорор хамыыһыйа тэрилиннэ. Үбүлүөйдээх дьаһаллар чэрчилэринэн, чуолаан, «2020-2024 сс. СӨ судаарыстыбаннай уонна официальнай тыллары оннунан хаалларыы» судаарыстыбаннай  бырагыраама, «СӨ Судаарыстыбаннай уонна официальнай тылларын виртуальнай түмэлэ» бырайыак сүрэхтэниитэ, «Тыйаатыр ыччат духуобунай сайдыытын эйгэтэ» стратегическай сессия уонна саха литературатын классиктарын айымньыларынан олоҥхо матыыбыгар испэктээкиллэри көрдөрүү буолуоҕа.

Төрүт олохтоох аҕыйах ахсааннаах норуоттар тылларын-өстөрүн боппуруостарыгар 8 тэрээһин былааннанар, ол иһигэр «Аартыка оҕолоро» комплекснай бырайыагынан төгүрүк остуол, ону тэҥэ КМНС тылларын чөлүгэр түһэриигэ уонна сайыннарыыга дискуссионнай былаһааккалар ыытыллыахтара. Ону тэҥэ эрэгийин бэрэстэбиитэллэрэ Москваҕа Хотугу аҕыйах ахсааннаах норуоттар учууталларын IIІ сийиэһигэр кыттыыны ылыахтара.

Дьокуускайга ХИФУ норуоттар тылларын-өстөрүн уонна култуураларын институтун линиятынан саха тылын уонна литературатын үөрэтии боппуруостарыгар дискуссионнай былаһааккалары тэрийии былааннаммыта. Санаттахха, Саха сиригэр төрөөбүт тылы уонна хотугу аҕыйах ахсааннаах норуоттар тылларын аан дойдутааҕы стандартынан саха тылын алпаабытын кодирование систиэмэтинэн оҥорууга, интернет-ресурсалары арыйыыга көхтөөх үлэ барар. Бу үлэлэргэ академическай уонна үрдүк үөрэх кыһаларын науката, Национальнай бибилэтиэкэ, IТ-хампаанньа кытталлар.

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением