Куонкурус түмүгүнэн 3 номинация быһаарылынна. Туоһу суруктары Хомус норуоттар икки ардыларынааҕы уопсастыбатын генеральнай сэкирэтээрэ Аарон Силаади туттартаата.
"Бастыҥ төрүт толоруу" ааты сүктэ Монголия кыттааччыта Бизьяа Хуухэндуу.
"Бастыҥ аныгы толоруу" ааты сүктэ Татарстан Өрөспүүбүлүкэтин кыттааччыта Ильдар Гимадиев.
"Бастыҥ сценическэй биэрии" ааты сүктэ Алтаай Өрөспүүбүлүкэтин кыттааччыта Алексей Чичаков.
Дьүүллүүр сүбэ куонкурус түмүгүнэн сорох ымпыгын-чымпыгын эбии быһаарда:
- Финалга бэриллибит тиэмэлэр олус уустук буолан биэрдилэр. Сорох кыттааччы манна ыарырҕатта.
- Онлайн формат табыллыа суоҕа диэн куттаммыппыт. Сибээс куһаҕаныттан туох да иһиллиэ суоҕа диэн. Ол да буоллар, ыраахтан кыттааччылар этэҥҥэ кытыннылар, онон куонкуруска өссө элбэх дойду хабылынна.
-
Жюри чилиэннэрэ категориялааһын боппуруоһун чопчулуохпутун наада. Ол аата, сыаналыыр параметрдар олохсуйуохтаахтар.
- Кыттааччылар хомус тардалларыттан оскуолалара биллэр. Холобур, Башкортостаҥҥа Загретдиновтар оскуолалара уонна Саха Сиригэр "Айархаан" оскуола. Ону таһынан, сахалыы уонна норвегиялыы үгэс саха уонна норвежец буолбатах кыттааччылар толорууларыгар иһиллибитэ. Бу биир өттүнэн үчүгэй. Ол аата, бу истииллэр аан дойдуга биллибиттэр. Ол эрэн, виртуоз буоларга үтүктүбэтэх ордук.
"Аан дойду виртуоз хомусчута" үрдүк аатын ылбыттарга диплом, үрүҥ көмүс мэтээл уонна 50 тыһыынча солкуобай туттарылынна. Дьүүллүүр сүбэ 9 кыттааччыны кыайыылааҕынан быһаарда. Наҕарааданы СӨ Култуураҕа уонна духуобунай сайдыыга миниистирэ Юрий Куприянов уонна Аан дойду норуоттарын хомуһун түмэлин уонна киинин бэрэсидьиэнэ Хомус Уйбаан туттардылар:
- Раджашекар Бимачар (Индия)
- Кутманаалы Султанбеков (Кыргызстан)
- Эркин Алексеев (Саха Сирэ)
- Варвара Степанова (Саха Сирэ)
- Гоукон Фукико (Япония)
- Евгений Сарыглар (Тыба)
- Вольф Янша (Австрия)
- Ма Гуогуо (Кытай)
- Нарыйаана Ренанто (Саха Сирэ)
-
2
-
0
-
0
-
0
-
0
-
0
