Уус уран салайааччы Галина Афанасьевна Белоус көҕүлээһининэн Ураһалаах оскуолатын орто сүһүөх үөрэнээччилэригэр олоҥхо матыыптарынан уруһуйга куонкурс ыытылынна. Олоҥхо сүдү баайбыт матыыптарынан бэлэмнэммит Флегонтова Ульяна Михайловна суруйуутунан, М. Попова ойууларынан «Биллэрэр-көрдөрөр карточкалары» үтүктэн уруһуйдааһыҥҥа уопсайа 7 оҕо кытынна.
Кыайыылаах үрдүк аатын 4-с кылаас үөрэнээччитэ Лена Слепцова сүктэ. Иккис миэстэҕэ 5-с кылаас үөрэнээччитэ Сайаана Горохова таҕыста. Үһүс миэстэни эмиэ 5-с кылаас үөрэнээччитэ Семен Стручков ылла.
Хас биирдии оҕоҕо туоһу сурук уонна минньигэс бэлэхтэри туттардылар. “Маннык курдук сахалыы куттаах тэрээһиннэр ыытыллаллара олус үчүгэй эбит диэн оҕолор олус астыннылар, үөрдүлэр. Олоҥхо бараммат кэрэхсэбилэ үүнэр кэнчээри ыччаппытыгар тарҕана турдун”, - диэн Мария Егоровна этэр.
Хаартыскалар: Ураһалаах сынньалаҥ киинэ.
-
1
-
0
-
0
-
0
-
0
-
0
